Ermiyaas 12:8 - NABUWWA KEE MALIKWA

⁸ Inni maray innih doorehiyya a saaku yi naqboytiitik maacisen. Garboh addat suge lubak yol yekkeeniih, tohuk gexxaamah yi naqabu yussukuqen.

Ermiyaas 12:8 Referans Kwoze

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.

Ermiyaas 51:38

Baabelon-mari lubak gurral garadaah; lubak xayloh anay loonuh yanin.

Ermiyaas 2:15

Sinam lubooka siinil akah tekkem maay taaxigen? Baaxo siinik abur aben. Dabaaqah elle sugten magaalooli siinik carariseeniih tu elle ane wayta baaxoy haanah tani siinik aben.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Yacedkel 23:18

Qasunuk gubbil is hayteeh, xiiqareh xiina kinnim kulli mara isik tuybulle waqdi, tet maqanxak akah sakkite'nnah, anu teetik kaadu sakkiteh.

Miika 2:8

Takkay immay isin yi marak naqboytit tekken. Ummat carbik isi buxa taduure waqdi, amaanah sugelem akkaluk yamaateeni'mmay, oson lon sartan bukkoh keenik beytan.