Ermiyaas 12:6 - NABUWWA KEE MALIKWA

⁶ Ku tooboko kee ku buxah mari ku naqboytit lih gacca 'yeenih koo ganaanamih addat yaniiniih qeebi kot abaanam faxan. Tonna leemiik meqe yab ko'lih yaabaanamah ken maamanin» 'yaanam yok iyye.

Ermiyaas 12:6 Referans Kwoze

Ermiyaas 9:4

«Tonna'mmay yaaminen toobokoyti siinit ane waamih sabbatah, kataysa kataysat siinik dacayrih gaca. Toobokoyti toobokoytat gano siinik aba; kataysa kataysa siinik camitaah deedal kaal haa.

Ermiyaas 11:21

Too waqdi YALLAY Nabaamak Nabahiyya yok iyyemii, «Qanatot mari koo qidam faxaah, ‹YALLIH migaaqal tu neh warissek koo qidenno› iyyaana'mmay, anu keenik abu waam ah teeti. ‹Tahah anu ken digaaleyyooh, furrayna keenik carbit seleyyo. Qunxa urru keenik qululuh qideyyo.

Ermiyaas 11:19

Yi naqboytit, ricidih beyan marqay is beyan ikke gexahiyyah innah, yoo qidaana'gidih yoo beyaanam faxaanam YALLI yoh warse. Anu toh aaxaguk masuginniyo. ‹Caxa saade'kal akah yargiqen innah, wadiriik kaa kase waana'gidih, a num a waqdiik qidnay› axcuk, yi qidimil malisak sugen. Anu ta umaanet yoh yaniinim keenik aaxaguk masuginniyo.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Yasaqya 31:4

Macaay inteenik, YALLI yok iyyemii, «Lubak admoh baahe laahih cado yakme waqdi, lacti duwat suge mari yakkeemiik kaa fan dadha way, kaat kaayan way, keenik mameysita. Lac kaak raaqisaanam faxan way, hinnigga keenih m'iyya. Nabaamak Naba Dagelti kaadu too lubaakih innah, Siyon-qalel qeebi abuh yamaate waqdi, kaa akak waasu waa num mayan.

Ermiyaas 9:2

Yi mari YALLAL luk sugen imaan cabe maray sinam gana kinnoonumih sabbatah, keenik xer baaxo geyaamal faxe raareh an. Mafdagay yi marak elle axxeerehiyya faxe raare» 'yaanam iyye.

Ermiyaas 9:5

Kataysa kataysa siinik ganaah, nummat num siinik mayaaba. Arraaba dirab siinik baritte; abtan dambik mataduuran. Naharsi umaaneh lakal, gersi umaane abtan. Yoo aaxige cinteenih» 'yaanam keenik iyye.

Ermiyaas 9:3

YALLI iyyemii, «Diraabak sah nummat mayaaban; Maqarah loonum, diraaba. Nummak yaaxigeenim malon. Yi mari umaane umaanê-lakal aban; anu ken Dagelta kinniyom yok mayaaxigan» iyye.