Ermiyaas 12:4 - NABUWWA KEE MALIKWA

⁴ Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Ermiyaas 12:4 Referans Kwoze

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 4:25

Wonnah wagga hee waqdi num able cineh. Kimbir agantah baadeh, baaxo cabeh yen.

Hosiqa 4:3

Tohih sabbatah baaxo kafele. Baaxô-bagul sugga 'tem inkih boolaatak boolaatele. Alak alaakulleyti inkih ambaxele. Kimbir kee kullum selliimele» iyye.

Ermiyaas 23:10

Baaxo inkih YALLAL luk sugen imaan cabe marak temegge. Abaarô-sabbatah baaxo kafteh; rookat tan. Lacti qayso luk teneeh, lac elle alooluk yen baaxo kafteh. YALLAL luk sugen imaan keenik yeerreh; umam aban. Lon abbootanat gita maliinoh tanim aban» iyye.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Cabakkuk 3:17

Subul xaylo xale waamah, qinab xaylo xale waamah, *daytuun xaylo xale waamah, daro neh orbe waytaamah, illik loyni yambaxeemih, wadar kaadu tambaxeemih, laahi buxah orbe waamah,

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Ermiyaas 14:2

«Yuudah ummatta edde tanim rookitiyya; ken magaalooli edde tanim finqi adda. Yarusalaam ummatta gubbik bagul deerih gacca 'yeenih weeqat yanin. Yarusalaam mari catô-fayxih deero aban.

Ermiyaas 5:13

Nabuwwa ufuyuk kiben karbatik gide ikkal, xiqaanam malonuuy, Yallak baahan farmo malon. Oson iyyeenim keenit takku waytaama» iyyen.

Ermiyaas 4:28

Tonna leemiik, baaxo rookitele; qaran dattoowele. Tah intam yooy; exce yaabat maqagita. Excem exceh ikkal, tohum abeyyo› 'yaanam iyye.

Ermiyaas 12:11

Baaxo yok bakarroyta aben. Lac sinniih num sinni baaxo tet aben. Inkih yan rasi abuuruy sahda elle deedalta yekkeh; tohuk tu iyya mari mayan.

Ayyuqel 1:18

Laahi qululuh gardaah; elle alooluk yen niqmatak tan baaxo kafte. Illi kee wadar takme qayso mageyta.

Qaamus 1:2

Qaamus iyyeemih, «YALLI, Siyoonuk lubak xongoloh innah tan xongoloh xongoleeh, Yarusalaamak kaxxa xongoloh xongole. Woo xongolo tontoobbe waqdi, saqi alooluk suge qayso inkih kafte. Karmel qaleh amol coox kee anxaxuk sugtem inkih kafte» 'yaanam iyye.

Zakariyya 1:12

Too waqdi YALLIH-malaykatti, YALLAK iyyeemih, «Nabaamak Naba YALLAW, taham fanah Yarusalaam magaala kee Yuudâ magaaloolil tan ummatah malcina-tabanih sanatih gide naqabut sugte. YALLAW, ahaysa ku racmatta keenil obtu waytam maa saaku?» iyye.

Yasaqya 24:4

Baaxo kafeleeh, coox laqaymuumele. Addunyâ-bagul yan mari boolaatele. Kaxxa marah yan mari aqunxuyuk maacisele.

Yasaqya 24:6

Tonna-leemiik Yallih-abaaro addunyal obte. Tet bagul yan mari akah biyaakitam, isinnih aben umaane. Addunyâ-bagul yan mari isih abe umaanek gexxaamah, bayak maaciseleeh dago mari raaqele.

Ermiyaas 9:9

Hay ta mara digaalam yol matana'nna? Tannah yan marak ta umaane abalih digaale ikkal, ken cabam mameqe. Tahat yabtam yoo YALLA» 'yaanam keenik iyye.