Ermiyaas 12:14 - NABUWWA KEE MALIKWA

¹⁴ YALLI qagseeh kaadu iyyemii, «Yi ummatay Israayilih toobokehiyyah anu-ecee-baaxo foyya-abe-marak axcem liyo. Tohuu, too mari umeynitiiy; tonna leemiik away elle yanin baaxok, caxa ragidik elle siiban innal, ken siibba heeh ruubeyyo. Yuudâ-maray oson umam elle baaheenihiyya ken gabak ayyaaqeyyo.

Ermiyaas 12:14 Referans Kwoze

Zakariyya 2:8

YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.

Ermiyaas 3:18

Too saaku Yuudah-ummatta Israayil-xaylot angaleleeh, sarrak marin baaxoy kilbat le kabul tanihiyyak aduureloonuuh; ken kaxxa abbobtih kulli waqdi ikoytah eceeh en rasu fan gacelon.

Ermiyaas 49:7

Edom giddinaamak YALLAY Nabaamak Nabahiyya iyyem ah teeti. «Edom mari luk yen kas cabeh innaa? Ken fayisak yen marih kas manke gexeeh? Oson luk yenen kas keenik kuuleh maay maacise?

Ermiyaas 2:3

Woo saaku, Israayil maraw, yi marak sugteeniih, yok sah taaxigeenim luk masuginniton. Tonna leemiik taahirik yan marah sugten. Siinil umam baahinnaan maral biyak kee dalka ruubak suge. Tah siinik intam yoo YALLA› yok iyye».

Zakariyya 1:15

Ama kaxxa amaan kee wagarih xiina marah kaxxam bagcarriteh an. Keenit akah bagcarritem, anu dago gide inni marat bagcarriteh sugeeh; too saaku yi mara kaxxam biyaaken.

Hosiqa 1:11

Yuudâ mara kee Israayil-mari wadir kaadu angaleleeh inki mara akkelon. Inki amoyta haysitelon. Isinni baaxol gaddaleela akkelon. Yidraqel-ayro, kaxxa ayro akkele.

Yacedkel 37:21

Sarrak keenik intaamah: YALLAY Mulki lehiyya iyyaamah, ‹Israayil mara elle gexen baaxok bahha heeh, tittal ken kobxissa heeh ken baaxo ken gacseyyo.

Yacedkel 36:24

Macaay inteenik, kulli doolat kee baaxoh addak bahha sin heeh, sin baaxo sin heeyyo.

Yacedkel 28:25

YALLAY Mulki lehiyya iyyeemih, «Israayil ummat fixixih elle abbixe baaxooxak gacseyyo. Addal keenik anu waa waqdi, woo baaxooxah mara Kudduus kinniyom aybulleeyyo. Israayil mari isi baaxoy anu yi naqasuh yan Yaqkuubuh eceehiyya fan aduurelon.

Ermiyaas 48:1

YALLAY Nabaamak Nabah, Israayil doore Dagelta kinnihiyya Mooyab marih giddinaamak iyyeemih, «Woyyow Nabo deqsitta magaalat takku waytaama! Too magaala abuuruh raaqele. Kiryatyim-magaala qaybit radeleh antixibbixele. Kaxxa gasoosay maroh teetit tenehiyya addigillele. Teetil yan mari qaybit radele.

Ermiyaas 32:37

Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Ermiyaas 48:47

«Takkay immay sarrî-dabaanal luk sugen gaddaliino keenih gacseyyo. Tah intam yoo YALLA. Anu Mooyab maral abe cokmi tokket yeede» iyye.

Ermiyaas 49:1

Qammon giddinaamak YALLI iyyem ah teeti. «Milkom deqsittam yaqbude maray Qammonuh yooboke, Israayilik Gaadah yooboke marih baaxo beyya heenih, ken magaaloolil isinnih akah gacaanam macaay? Israayil mari, is nagartu wayta xaylo maay waa?

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Yacedkel 28:26

Too baaxol amaanah xiinelon. Tokkel buxaaxi xissiteloonuuh, qinab coox abqurelon. Cuggaaneh keenik yan maray ken bursutak suge digaaleyyooh; Israayil amaanah xiinele. Too waqdi anu YALLAY ken Dagelta kinniyom aaxigelon.

Yacedkel 36:5

«Yoo YALLAY Mulki lehiyya dariifal tan baaxooxah mara luk naqabut yaabah aniih, axcihiiy Edom lih naqabut yaaba. Yi baaxo been saaku farcatah rabakaay, iyyi maca nek abele 'yaanamah beeniih, saqi elle yaloole arooca isinnih haysiten.