Ermiyaas 10:7 - NABUWWA KEE MALIKWA

⁷ Inkih tan ummatih Malikow! Nabna koh taguudek, koo assakaxxe waytam iyyaay? Addunyal kasah dareeman mara kee addunyal tan reeda le malikwak inkih ku bis lem matan.

Ermiyaas 10:7 Referans Kwoze

Ermiyaas 10:6

YALLAW, ku bis lem matan. Atu qande le Dagelta kinnito. Ku migaq nabna kee qande le.

Ermiyaas 5:22

Anu YALLA kinniyok, macah yok meysite waytan? Yok foocal macah axaxite waytan? Bad edde yaade aracah qidde abe; bad too qiddek bisoh way mataba. Bad saacilik koram takkeh immay kaah heeh aracak taturra 'yeh bisoh magexa. Bad haffitaah xongolaamah, isi arac cabeh magexa.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Yasaqya 2:4

Mango doolatwah fanat bica abeleeh; baaxooxal yan tittin-way bicsele. Qeebi edde abak sugen seefwa buqre edde aban biriitah korselon. Qeebi edde abak sugen macaxu caxak luud edde yargiqen gileelah gacselon. Tahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Yoosuwa 4:24

Tahak gexxaamah baaxô-bagul enna 'ya mari YALLIH qandek leh gide aaxigeloonuuh; isin kaadu YALLAY sin Dagelta kinnihiyyak daayiman meysitak xiinetton» keenik iyye.

Aster 1:13

Malik, xinto intam kee qadaalatah tanim aba'gidih, tu-yaaxigil fayu esseraanam qaadah luk yeneeh, tonna-leemiik tahak abeh meqeemih fayu kaah yacayu waa marah seece.

Daaniyel 2:27

Daaniyel kaak iyyeemih, «Malikow, aham tu-taaxago kee faal-qidaay baab-abeenit kee cutuk-beyak num yaaxagu duudam hinna.

Daaniyel 2:28

Takkay immay Yallay qaraanal yanihiyya sirrih tanim yableeh yaybulle. Yalli, atu xiinit sugte waqdi, sarra yan saaku takku waytam koo yuybulleeh yan. Tublem aham teeti:

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.

2 Malikwa 17:39

Yooy sin Dageltah yanih amri oggolaay; naqboytak anu sin cateyyo» 'yaanam keenik iyyeh yen.

1 Aydaad 16:25

YALLI nabaah, naba fayla lem kaa. Sinam uqbudda haytaamak inkih fuli meysi akah taguudem YALLA.