Ermiyaas 10:6 - NABUWWA KEE MALIKWA

⁶ YALLAW, ku bis lem matan. Atu qande le Dagelta kinnito. Ku migaq nabna kee qande le.

Ermiyaas 10:6 Referans Kwoze

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Daaniyel 4:3

Yalli nee yaybulle qagabak tanim manxu nabna le; usuk abe ablewaynuh tanim kaxxa cayla le. Waara malikih tanim, Yalla. Kulli way mulki lem, Yalla.

2 Samuwel 7:22

YALLAW, Mulki le Dageltaw, ku nabna celtam matan. Ku bis lem matan. Yalli dibuk koo kinnim dumaak aaxaguk sugne. Yalli dibuk kooy; kok sah Yalli mayana.

Ermiyaas 32:18

Qadad sinni marah amurruqe sinni kacanu yaybulle Dagelta kinnitooh; kaadu xaleena bahte qellatah xaylo digaala Dagelta kinnito. Qande kee cayla le Dagelta kinnitooh; ku migaq YALLAY Nabaamak Nabahiyya.

Yasaqya 40:25

Kudduusuk yan Yalli iyyam le: «Yot missowtu duddam maay tan? Hay, yi gid takkem maay tani?»

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.

Daaniyel 4:34

Woo malcina sanat tatrek lakal malik iyyeemih, «Qaraanay Yalli elle yani wagga hee waqdi, kas yol gaceeh, too waqdi Yallay inkih daga raaqahiyyah candu gacseeh; kaay waarahiyya fayliseeh, essekexxeh. Kay mulki kulli way waara; Kay xinto ummaan waarele.

Yasaqya 46:9

Dumî dabaanal tekkem kassa mahaytaana? Toh kassa haay, yok sa Yalli mayanam ixiga. Yook sah yi bis lem matana.

Yasaqya 46:5

«Yoo celtam maay tan? Yoo eleltam maay tan? Yi gid takkeeh yi bis lem maay tan?

Yasaqya 40:18

Yallat missowtam maay tani? Yallih ceelo iyyi yaaxige? «Anna ceela, woo gurral yan» intu duddah, intam iyya?

Nacmiya 9:32

«Yallaw, ni Dageltaw, nabna lem koo. Qande leeh hayba lem koo. Amurruqe sinni kacanu le Dagelta kinnitok, abeyyo inteh xagana akah cultem abtah. Nanu biyaakak geyneh gide neh ubuley. Assuuriyah malikwa xukkot nee abbaxuk ten dabaanaay akke fanah, kaxxa biyaakah biyaakinne. Ni malikwa kee ni miracwaay, nabuwwa kee seekaay ni kaxxa abbobti kee ni ummatta inkih biyaakitteh. Tonnal hay, nanu biyaakak geyneh gide neh ubuley!

Nacmiya 4:14

Taham cubbusek lakal, ugutta exceh, saqoltih yan maraay, baaxoh abbobti kee wohuk kalah tan ummattak exceemih, «Naqboytiitik mameysitina. Isinni tooboko kee isinni xaylooy isinni agabu kee isinni buxah taagah qeebi keenit abtaanama. YALLAY nabna leeh cunxo sahdat qidahiyya kassa haay, mameysitina» keenik exce.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

1 Aydaad 16:25

YALLI nabaah, naba fayla lem kaa. Sinam uqbudda haytaamak inkih fuli meysi akah taguudem YALLA.