Ermiyaas 1:2 - NABUWWA KEE MALIKWA

² Amón-Yoosiyaahu Yuudâ-rasul malik edde yekke taban kee sidochaytô sanatat, YALLIH qangara Ermiyaasal obteeh;

Ermiyaas 1:2 Referans Kwoze

Miika 1:1

Yootam deqsita malikiiy Acad deqsita malik kee Ciskiyyaahu deqsita malik Yuudâ-rasul itta kataatak dardaaren saaku, YALLI Miika deqsita nabiy dabqih Moreset deqsitta magaalal yenehiyyal farmo ruube. YALLI too farmol Samaariya kee Yarusalaamat takku waytam kaa yuybullee.

Yoonas 1:1

Ayrok teena YALLI, Amittay baxa Yoonas lih yaabe. Kaak iyyeemih,

Hosiqa 1:1

Quddiyya kee Yootam kee Acad kee Ciskiyyaahu Yuudâ-rasul malikwah sugteeh, Israayil rasul kaadu Yahoqás-Yarobqam malikih suge dabaanal, YALLI Beqeerí-Hosiqal farmo ruube. Ruube farmo ah teeti.

Ermiyaas 1:11

Ermiyaas qagseeh kaadu iyyeemih, «YALLIH qangara yol obteeh, ‹Ermiyaasow, taway tablem yoh warisey› 'yok iyye. Too waqdi excemii, ‹Taway ablem saakad deqsitta caxak ludda› 'yaanam exce.

Ermiyaas 1:4

Ermiyaas iyyeemih, «YALLIH qangara yol obteeh yok iyyemii, ‹Rooci kot hayyaay koo uysubukka haamak dumal elle, koo eexegeeh koo dooreh sugeeh; baadal tan ummattah yi qangara warissa'gidiiy, nabi takke'gidih, ummat addak a taamah yaguude num koo abe› yok iyye» iyye.

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Ermiyaas 25:3

«Amón-Yoosiyaahu malik edde yekke taban kee sidochaytô-sanataay takke fanah, labaatanna kee sidiica sanatah, YALLIH farmo fiiruk geerah siinih warsa'mmay, maqal yok edde mahaysitinniton.

2 Malikwa 21:24

Yuudâ-mari kaa qide mara qideeniih; kay-baxa-Yoosiyaahu kay lakal malikih heen.

1 Malikwa 13:2

Too-nabi, YALLI kaak inxica elle iyye innal, iyyemii, «Sadgat-aracaw, sadgat-aracaw, kok axcem oobbey! YALLI kok inxicca iyyem kok axcu waa. Dawuduk radu waa marak Yoosiyaahu deqsita awki aabukele. Too awki yanabu waa saaku, qibaada-elle-aban-aroocay fayyat raqtahiyyal seekâ-gurral taamita maray ku gari sadgatah qaydarus qeerisaanahiyya qideleeh, ku bagul ken carrisele. Sahdayti-lafa ku bagul carriselon» iyye.

2 Malikwa 21:18

Manasse rabeeh; malik qarik bustaan aracay Quddâ-bustaan deqsitahiyyal kaa yoogoqen. Kay baxi kay aracal malik yekke. Kay migaq Amonuk ten.

2 Malikwa 22:3

Yoosiyaahu malik edde yekke taban kee bacarhaytô sanatat, malik-buxal kutbe-abeenah suge Safan deqsita num, YALLIH Qibaadah-Qari fan farmoh ruube. Safan, Axalyaahu deqsita numuk baxak teneeh, Masullam deqsita numuk baxi baxak ten.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Ermiyaas 28:12

Tohum tekkeemih dago ayroora suggu 'yeenik lakal, YALLIH qangara Ermiyaasal obte. YALLI kaak iyyeemih,

Ayyuqel 1:1

YALLI Fatuwél-Ayyuqel deqsita nabil ruube farmo ah teeti.

Xafanya 1:1

YALLI Xafanya deqsita nabil ruube farmo ah teeti. A farmo YALLAK obtem, waktik Amon-Yoosiyaahu deqsita num Yuudâ-marih amoytah yen saakuk ten. Xafanyak kaxxa abba Ciskiyyaahu deqsita malikik ten. Ciskiyyaahu Amarya xaleeh, Amarya, Gedalya xale. Gedalya kaadu Kuusi xale; Kuusi, Xafanya xale. Xafanyak nasab toh elle yani inna.