Daaniyel 9:16 - NABUWWA KEE MALIKWA

¹⁶ Nanu bahne dambi kee ni kaxxa abbobti abak sugte umaanek gexxaamah, Yarusalaam magaalak cuggaaneh yan mari Yarusalaam kee ku ummatta bursuteh. Goytaw, duma kulliimik nee catak sugte. Uxih Yarusalaam magaalah maral ahaysa isi kaxxa bagcarra xabbacos. Yarusalaam ku magaala. Is ku qaley taahirik tanihiyya kinni.

Daaniyel 9:16 Referans Kwoze

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Daaniyel 9:20

Dooqa wohut mayseedeyinniyoy, qagseh innih abe dambi kee Israayil mari abba hee dambit inkih yaabeh; YALLAY yi Dagelta kinnihiyya isi qari akah suge'nnah gacsa'gidih, kaadu dooqa abe.

Yacedkel 5:14

Yarusalaam abuuruh cabeyyooh; dariifal siinik tan baaxoh ummat sin garik gitah gacteh gexxa waqdi, burah af siinil raqeeqiseloonuuh; siinil maxayyoowan.

Ermiyaas 32:32

Tohut akah emeetem, Israayil kee Yuudâ maraay, ken malikwa kee keenik saqoltih yan maraay, ken seeka kee oson nabuwwah lon mara kee, Yarusalaam magaalah mari abah yan umaane.

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Nacmiya 9:8

Abraahim ku garil digga le num kinnim tubleh; xagana kaa'lih haysitte. Kaak rade marah baaxo ikoytah aceettoomih xagana kaah culte. Too baaxo, Kanqaan kee Ciitaay Amoora deqsita maraay Feriida kee Yabuusaay Girgaasah yooboke marih baaxo. Inteemil digga le Dagelta kinnitooh, xagana akah cultem abteh.

1 Samuwel 2:7

Gaddaleela sinam abtaah baacoytit sinam abtam kaa. Marak teena fayya haah; marak teena ramma haa.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 32:31

Yarusalaam mari a magaala xissimma 'teemiiy akke fan, naqabu kee bagcarra yot qidak sugen. Tohih sabbatah a magaala baysaamat emeete.

Daaniyel 11:45

Usuk isi kaxxa sirooqa bad kee taahirik tan qaley qaxmeqehiyyak fanal heele. Ellecabol rabele'mmay, rabak num kaa macata› yok iyye.

Yacedkel 22:4

Sahdat abte qidimik gexxaamah, umeena tekke. Xeet kee cooxuk bicisse duyyey taqbudehiyyah sabbatah, nadaasa is abte. Tonna-leemiik edde baatu wayta wakti xayih. Inkinnah kaxxam xayi. Tohih sabbatah baadal tan ummatta kee doolat elle anqassa sahdayto koo abeyyo.