Daaniyel 7:9 - NABUWWA KEE MALIKWA

⁹ «Anu wokke fan wagitak suge waqdi, makaabon daffeynah koraasi uble. Woo koraasik tiyak teenal ‹Kulli Waqdi Yaní› daffeyah uble. Sari kaak cankaxi qidih inna luk yeneeh; xagor kaak qado illi xagoorih inna luk yen. Kay korsih ibittey koramkortahiyya akak bicseenim girak ten. Too korsi girah innah urak ten.

Daaniyel 7:9 Referans Kwoze

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

Daaniyel 7:22

Sarrak woo ‹Kulli Waqdi Yaní› yemeeteh cokmi abeh, ‹Cakki lem, Yallay inkih daga raaqahiyyah mara› iyye. Yallih mari abbootan edde gee wakti gufe.

Daaniyel 7:13

«Anu bar woo soonoh addat an waqdi, sahdayti-baxi ceeloh innal tanim uble. Ta sahdayti ceelot yan numuy qamburre marot tabbixe amaatih uble. Sarrak woo ‹Kulli Waqdi Yaní› wokkel sugehiyya fan gexeeh, kay foocal kaa xayyoysen.

Cabakkuk 1:12

Cabakkuk tohuk lakal iyyeemih: «YALLAW, atu dumaak yan Dagelta kinnitooh, waara Yalli koo. Kudduusuk yan Dagelta kinnito. Aqbudem kooy; yoo dacrissam koo. YALLAW, Baabelon mara sinaamak addak doorru hayteh nee edde digaalan qande keenit hayte.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

1 Malikwa 22:19

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migda kee gurak kaa maraasiyot kaa abbaxih ubleh eneeh;

2 Aydaad 18:18

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migdaa kee gurak kaa maraasiyot kaa abbaxih ubleh eneeh;

Yacedkel 1:26

Qari-amo-celtaamak daga, safir deqsita luuluk bicsen korsiy malik elle daffeya celtahiyya uble. Too korsih amol sahdâ-ceelo lem daffeyah uble.

Yasaqya 6:1

Malik Quddiyya edde rabe sanatih addat Goyta uble. Usuk isi dardaarinni korsiy fayya kee nabna lehiyyal daffeyak yeneeh; xagarat culsah le sartan inkih yan Yallih Qibaadah Qari duudeh yen.

Ermiyaas 49:38

Qeelamal yan ken malik kee makaabon qidda heeh, inni dardaarinnih korsi elle daabiseyyo.