Daaniyel 5:1 - NABUWWA KEE MALIKWA

¹ Ayrok teena malik Belsaxxar alfi yakke maray kay xintoh miracwah yanihiyyah, isi buxal qibnaytiinoh kaxxa afxago keenih xage. Belsaxxar qinabak bicsen kamri ken lih aaqabuk suge.

Daaniyel 5:1 Referans Kwoze

Aster 1:3

Too malik edde dardaare sidochaytô sanatat, qaffaydah kay gubal doolat-taamak-saqoltih yan mara kee, xintoh-abbobtih yan marah inkih kaxxa xigla abe. Too xiglah Fursi-rasu kee Meediyah-rasul tan qaskar kee, rakaakayittel xintok abbobti kee muddaqiyitte inkih temeete.

Yasaqya 22:14

YALLAY Nabaamak Nabahiyya isih yo'lih yaabeeh, iyyemii, «A umaanek rabba 'yaanam fan qafu mageyan» axcuk xiibite. Ah intam, YALLAY Dagelta kinnih, Nabaamak Nabahiyya.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Naacum 1:10

Isin yiskire maraw, kafte qayso kee ittat culah yan keenaanit gexxa girah innah cararetton.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Ermiyaas 51:39

Kaxxam satqitan waqdi rikeek tan afxago keenih aceeyyo. Too afxagot askireloonuuh, kaxxam asuuleloonu'mmay, tohuk lakal sarrah-akak-ugte-waan-xiinih xiinelon.

Ermiyaas 50:35

YALLI kaadu qagseh iyyemii, «Baabelon-baaxoh-mara kee Baabelon-magaalah-marat qeebi aba! Ken doolatih abbobti kee oson kasloytiitih lon mara qida!

Daaniyel 5:30

Malik isih, too barat edde, marin gabat rabe.