Daaniyel 2:23 - NABUWWA KEE MALIKWA

²³ Yi kaxxa abbobti tuqbude Dageltaw, kas kee qande yoh teceem koo. Candu koh gacsah koo faylisa. Koo esserrem atu yoo tuybulleeh; malikih warisnu waynam nee tuybulleeh; candu koh gacsah koo faylisa» axcuk Yalla faylise.

Daaniyel 2:23 Referans Kwoze

Daaniyel 2:18

Keenik iyyeemih, «Nee kee kalah tan tu-taaxago cattimna'gidih, Yalli a soonoh maqna nee yayballayuh, qaraanal yan Yalla kallaca» keenik iyye.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.

Daaniyel 1:17

Yalli woo affara numuh falsafat kee kitaabal tunkuttubeemih ixxiga keenih yecee. Toh lih kaadu Yalli Daaniyelih suwaawur kee soonok maqna elle yaaxige'nna kaah yecee.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

2 Aydaad 20:6

anay fayya haak dooqa abe. Dooqah iyyeemih, «YALLAW, nanu akak radne ni kaxxa abbobti doore Dageltaw, qaraanal cokmi lem kooy; inkih yan baad xiinissam koo. Qande leeh cayla le Dagelta kinnitooh; kot missowtaah koo aleltam matana.

1 Aydaad 29:13

Tonna leemiik, ni Dageltaw, candu koh gacisna. Ku migaaqay kulsa le faylisna.

1 Aydaad 29:10

Tokkel inkih tan ummat elle gaabowte aracal Malik Dawud YALLA faylise. YALLIH faylah iyyeemih, «YALLAW, nanu akak radne Israayil doore Dageltaw, ku migaq kulli way fayla le.

1 Malikwa 18:36

Sadgat edde aban uddur gufe waqdi, nabi Eliyyas Yallih-sadgat-elle-abaana'gidih-bicsen-aracih-garih amma 'yeeh iyyemii, «YALLAW, Abraahim kee Iscaakaay Yaqkuub doore Dageltaw, atu Israayilil Yalla kinnitooh, anu kaadu ku naqasu kinniyom ta saaku ken iysixxig. A saaku anu abah anim atu yok aba intem kinnim ken iysixxig.

1 Malikwa 8:57

«YALLAY ni Dageltah yani, ni kaxxa abbobti'lih akah suge innah, ne'lih yanay. Nee cabe waay ne'lih yanay.

Ermiyaas 33:3

Yoh sec. Yoh secta way, seeco kok aabbeyyo. Kaxxa assakat leemiy aaxige waytay qagabah tanihiyya koo aybulleeyyo.