Daaniyel 12:6 - NABUWWA KEE MALIKWA

⁶ Keenik numuk teeni, *baftak bicsen meqe-sarot sartanah yen malaykattuy weeqayti amol soolak yenehiyyak iyyeemih, ‹A qajiibik tanim maa saaku fan sugeleeh?› iyye.

Daaniyel 12:6 Referans Kwoze

Daaniyel 8:13

Tohuk lakal malaykattuk teeni, aki malaykattuk, «Ahamay away wacyih tanihiyya annal magide fan sugelee?» axcih oobbe. Woo malaykatti kaadu essereemih, «Kulli ayrol Yallih Qibaadah-Qaril aban sadgatih aftok, a wacyih nuble umaane magide fan sugelee? Qaraanal tan qaskar kee Yallih Qibaadah-Qarit yaaqiteenim gaba kaltu waytam, maa saakuuy?» iyye.

Yacedkel 9:2

Tonna luk Yallih Qibaadah-Qarik kilbat le kabut raqta kaxxa afay akak culaanahiyyak lica numuy silac gabat le culah uble. Ken lih *baftak bicsen meqe sarot sartanah yan numuy kutbe elle aban duyye gabat lehiyya uble. Amma 'yeeniih, nacaasak bicsen sadgat elle aban aracih garil soolen.

Daaniyel 8:16

Uulay-weeqaytu le kabuuk, «Jibriilow, ama yubleemih maqna kaah waris» inta xongolo oobbe.

Daaniyel 12:5

«Tohuk lakal namma malaykattuy weeqayti xaqul soltahiyya uble. Keenik tiyaay woo weeqaytuk a qaxa kee woo qaxal soolah uble.

Daaniyel 12:8

Usuk iyyem maxcok oobbeh immay maqna akak macediyyo. Tonna leemik, ‹Yi amoytaw, ahim inkih mannal gaba kalele?› exce.