Daaniyel 11:8 - NABUWWA KEE MALIKWA

⁸ Oson yalla 'yeenih yaqbuden duyyeey birtak bicsen ceeloola kee, dahab kee lakqok bicsen duyye Masri fan dannabah beele. Tohuk lakal dago sanootah Suuriyah malikit qeebi maaba.

Daaniyel 11:8 Referans Kwoze

Yasaqya 37:19

Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal Yalla hinna.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Hosiqa 8:6

Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.

Daaniyel 10:3

meqe maaqo maxagiyyooy, cado kaadu akme'kal suge. Qinabak bicsen kamri maaqabiyyooy, too sidooca ayyam gaba kalla haam fan amo file'kal suge.

Ermiyaas 46:25

YALLI kaadu iyyeemih, «Yoo YALLAY Nabaamak Nabah, Israayil doore Dagelta kinnihiyya axcemii: Amon deqsittaamay yalla akak iyyaanaah Teebes deqsita aracal yaqbudeenihiyya digaaleyyo. Masri mara kee Masri mari yallah le duyye digaaleyyo. Masri malik kee kaal yaamine mara beyya heeh,

Yasaqya 2:16

Kaxxa nabna kee qaxa le maraakib finqisele.

Makaabon 18:24

«Yaa? Maca waytaanaa yok intaanaa? Sek kee bicsiteh an yallitte inkih yok beyten way, maca waytan mannal yok intan? Maca luk raaqeh?» 'yaanam keenik iyye.

Daaniyel 11:9

Sarra Suuriyah malik Masri wararele. Takkay immay wadir kaa gacselon.

2 Samuwel 5:21

Filistiin-mari kude waqdi, Yallih aftok aqbuduk sugen duyye elle cabeenih kuden. Sarra too duyye Dawud mari gabat luk gexen.