Cabakkuk 3:19 - NABUWWA KEE MALIKWA

¹⁹ YALLAY Mulki lek qande gee; iba yok cayla bahsiise. Yi-iba maqarah sara abe. Qale awqeeh, qalek oobaamah, iba maqar yok bahsisse. [Aham, Yallih Qibaadah-Qarih addal saare aba marak abbah yen numuh yuktuben saare. A saare aban waqdi *kirar gurral yan caxxal digirak aba.]

Cabakkuk 3:19 Referans Kwoze

2 Samuwel 22:34

Mandafoofola anu. Qarkumuddoh innal qaleeli amol an way, yoo dacrissam Yalla.

Yasaqya 58:14

Toh abteenik, yooy YALLA kinnihiyyat rufto geetton. Baadal bohoy sinni mara sin abeyyo. Sin kaxxa abba Yaqkuubuh xagana akah culem inkih siinih aceeyyo. Tah siinik intam yoo YALLA» 'yaanam iyye.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Zakariyya 10:12

Inni marat qande heeyyo. Yoo aqbudeloonuuh, yi yab aabbelon. Tahat yabtam yoo YALLA» iyye.

Yasaqya 45:24

‹Cakkik tan maqaane kee cayla YALLAL geytimta› 'yaanam axceloonuh; YALLA fan amma axcelon. Yallal saduh yan mara kaxxa qaybi abbixele.

2 Samuwel 2:18

Xaruyâ-xayloh sidoocuk Yowab kee Abiisay kee Qasahel tokkel sugte. Qasahel ardah segeeri gidek teneeh,