Cabakkuk 3:10 - NABUWWA KEE MALIKWA

¹⁰ Qaleeli koo yuble waqdi, kok cunxiteeh, axaxiteh. Qaraanak kaxxa rob radeh; baaxol sugga 'tem duufut bee. Baaxok guba tan lee muxxe; weeqi kaxxa haffo baahe.

Cabakkuk 3:10 Referans Kwoze

Ermiyaas 4:24

Qaleela wagga hee waqdi, qaleeli kaadu dillibitah uble. Koomaami kabuk kabul koramkorah uble.

Yasaqya 43:20

Dubaali yoo assakaxxeleeh, wakri kee inin yi assakaxxiyyat gacele. Yoo akah yassakaxxoonu waanam, bacarih tan baaxo lee abeyyooh, Israayil maray innih dooriteh bakarroyta le baaxooxal daroori abeyyo.

Yoosuwa 4:18

Seeka Ordon weeqaytuk akah tabte innaak, weeqayti kaxxa weeqah weeqe.

Cabakkuk 3:6

Kay soolol baaxo tangayye. Inkih tan ummat kee ayyunti, kay wagittol axaxita. Addigille wayta qale kay wagittot riira takke. Dumî-dabaanal, xer saaku, usuk edde gexe gital sugte koomaami sutta inteh.

Naacum 1:5

YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.

Miika 1:4

Yallih itqat too qaleeli, samqiiti-innah diyaayele. Too qaleelak ooba diyay, leeh innah daqar oobele.

Yasaqya 55:12

Naqoosinnak wallitak gexettoonum kaadu taaxigeenim meqe; amaanah awqetton. Qaleela kee koomaami sin foocal farcih gad abeleeh, coox kaadu farcih qililisele.

Nacmiya 9:11

Ku mara badak gude keenih baxisseh, ken teyyeeqe. Bacarih raqte baaxok bagul badak gude ken tabisse. Ken ayradduk suge mara badat qiddeeh, kaxxa badat qiden xaa badat elle suta'nnal, badat ken sutusse.