Biblia Todo Logo
Bib sou entènèt

- Piblisite -




Ayyuqel 3:7 - NABUWWA KEE MALIKWA

7 Ta saaku isin ken edde teylemmen marih gabak beyya ken heeh, ken baaxo fan ken gacseyyooh, keenil bahha hayteenim siinil baaheyyo!

Gade chapit la Kopi




Ayyuqel 3:7
24 Referans Kwoze  

«Takkay immay ahak wadir sin baatit suge mari inkih bayeleeh, sin seewah bee mari inkih seewah gexele. Sin wararak suge mara warareloonuuh; sin buubak suge marat buuba akkele.


«Tonna kinnuk, Yaqkuub xayloy yi naqoosay, mameysitinay; Israayil ummatey, niya siinik addigille waytay. Tahat yabtam yoo YALLA. Ama xer baaxoy elle taniinik sin ayyaaqeyyo. Casbi gurrah elle tanin baaxok siinik radu waa mara ayyaaqeyyo. Isinni baaxo fan aduurettoonuuh amaanah xiinetton. Num sin maxagaay sin mameysiisa.


YALLI kaadu iyyeemih, «Suur kee Sayda kee *Filistiin maraw, maca yok abtaanam faxxan? Siinil baaheemih caneh yol gacissaanam faxxaanam maay liton? Faxxeenik, yi mogoy tammoysetton.


Uli baaxoy mango baaxol sugte ummatta tittal uduurra 'teh titta lih elle tanihiyya tan. Ta baaxoh mari carbi meysi mali. Mango sanatak lakal, too baaxo akah tabbixe innah koo ruubeyyo. Toh Israayil rasuuy; mango dabaanah Israayil qaleeli dibuk suge. Num sinniih lac sinni rasuh suge'mmay, a saaku woo mari woo qaleelal amaanah xiinan. Takkay immay too marat atu qeebi abetto.


Macaay inteenik, kulli doolat kee baaxoh addak bahha sin heeh, sin baaxo sin heeyyo.


Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.


Kilbat le kabuk ken baaheyyo; baaxô-maggaraqak ken gaaboyseyyo. Inti-maleela kee iba-maleelaay, xalay edde xayyoowe agabu kee xalaayal lacawat yan agbih agantah amaatelon. Manguk andabbelon.


Yi ummatta xer rasuk amaatele. Garab kilbat le kabuk amaateleeh, garab ayrô-culma le kabuk amaatele. Garab kaadu gabbi-qaxak Sinim deqsita aracak amaatele» iyye.


Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.


Sarrak Haaman, Mordakay edde takaruh bicsiiseh suge aracat takaren. Tohuk wadir malik bagcarrak xamceh.


Kaa baahen waqdi Samuwel kaak iyyemii, «Ku seef mango inonti xaylo maleh akah cabe'nnah, ku ina a saaku kaadu baxa maleh raaqele» kaak iyye. Sarrak YALLA elle yaqbuden aracay Gilgalal yanik foocal exxa-exxah kaa kure.


Sarrak Adoonibedek iyyeemih, «Malcina tabanih malikiy iba kee gabak kaxxa-gili akak kalehiyya anu maaqo elle akme miizih gubal yok radda maaqoh buluula onkoysak akamuk yeneeni'mmay; anu keenil baahem a saaku Yalli yok gacseh yan» 'yaanam iyye. Sarrak woo num Yarusalaam magaala fan beeniih; tokkel rabe.


Kee ummatey ankacisa! Woo magaalah addal taabben xongolo ankacisa! Yallih Qibaadah Qarih addak radda xongolo ankacisa! YALLIH xongoloy isi naqboytit edde digaala'gidih ruubehiyya ankacisa!


Yuudâ mara gayse abeyyo. Israayilih yooboke mara gaysê-baxa abeyyo. Siyon-mara seef abeyyooh; Giriik-marat qeebi abelon» iyye.


Swiv nou:

Piblisite


Piblisite