Ayyuqel 3:4 - NABUWWA KEE MALIKWA

⁴ YALLI kaadu iyyeemih, «Suur kee Sayda kee *Filistiin maraw, maca yok abtaanam faxxan? Siinil baaheemih caneh yol gacissaanam faxxaanam maay liton? Faxxeenik, yi mogoy tammoysetton.

Ayyuqel 3:4 Referans Kwoze

Ermiyaas 47:4

Macaay inteenik, Filistiin baaxo edde baatu wayta wakti xayih; Suur kee Sayda magaalal yan marih catoh amaate raare mara edde baysoonu waan wakti xayih. YALLI Filistiin mara edde baysam faxa wakti xayih. Too maray duma baddi afak Kireet deqsita aracak yemeetehiyya baysam faxa.

Yasaqya 59:18

Kullim cakki-gitah gacseleeh, sahdal baahen umaaneh sahda digaalele. Kay naqboytit abba heen umaaneh digaalele; xer baaxol yan mara kinni way digaalele.

Yasaqya 34:8

Macaay inteenik, YALLI cane edde gacisu waa ayro tan; too saaku YALLI Siyoonuk naqboytiitih suge maral ken taama keenil gacsele.

Ermiyaas 51:6

«Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

2 Aydaad 21:16

YALLI, Filistiin mara kee Qarab marak tu takkemiy Kuus mari dabqah elle yan ikkeh xaqul tenehiyya, Yahooram-marat qeebi akah aban innah ken uguuguse.

Makaabon 11:12

Tohuk lakal Yeftac Qammon-malik fan farmo ruubeeh iyyeemih, «Ne'lih koo taysammem macaay? Baaxo nek akah buubtam faxxam macaa?» kaak iyye.

Yasaqya 14:29

Isin *Filistiin maraw, ruffu maxcina. Sin aatakuk suge birti yiddigilleh immay, abeesak teena rabtaamah wohuk gacta abeesa ciggiilele. Abeesa xalte naalaytih addak haada baadeysi awqele.

Ermiyaas 47:1

Masri-malik, Gaada deqsitta magaala yabbixeemik duma, YALLI *Filistiin marih giddinaamak nabi Ermiyaasal qangara oobise.

Ayyuqel 2:2

Too ayro baaxol data qamburreey gaanibiy kaxxa dite le radele. Casri sinni qanaytuy baaxol oobehiyyak gexxaamah, qaleeli amballayuk maraaqa. Tah duma akke wayteeh, sarra akke waytu waytam kinni.

Ayyuqel 2:10

Ta qanayti yamaate way, baaxo axaxittaah qaran yangayye. Ayro kee alsal dite radda; cutuuka bar ifak maraqta.