Ayyuqel 3:12 - NABUWWA KEE MALIKWA

¹² YALLI iyyeemih, «Baaxooxal yan mari inkih bical gacay. YALLIH Cokmih-Daqar fan yamaatoonay. Tokkel yooy YALLAH yani daffa exceh dariifal enna ta baaxooxah maral cokmi abeyyo.

Ayyuqel 3:12 Referans Kwoze

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.

Yasaqya 3:13

YALLI mackamatal isi aracal gacele. Ummattal cokmi abuh ugtele.

Yasaqya 2:4

Mango doolatwah fanat bica abeleeh; baaxooxal yan tittin-way bicsele. Qeebi edde abak sugen seefwa buqre edde aban biriitah korselon. Qeebi edde abak sugen macaxu caxak luud edde yargiqen gileelah gacselon. Tahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Zakariyya 14:4

Too ayro YALLI Yarusalaamak ayrô-mawqa le kabut raqta Madeera-li deqsitta qalel gacele. Too qale ayrô-mawqaak ayrô-culma fan namma ikkel kurruumeleeh, fanal kaxxa daqar akak awqele. A qalek garab kilbat fanah angayyeleeh, garab gabbi-qaxal angayyele.

Miika 4:3

YALLI baaxooxal yan tittin way bicsele. Kaxxa doolatway qande leh fanat bica abele. Qeebi edde abak sugen seefwa buqre edde aban biriitah gacselon. Qeebi edde abak sugen macaxu caxak luud edde yargiqen gileelah gacselon. Ahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Ayyuqel 3:14

Loowo sinni mari Cokmi-Goloh addal yan. YALLIH cokmih ayroy xayihiyya elle takku waytam tokke.

Yacedkel 39:11

«Toh inkih takku wayta saaku, Rabe Bad deqsita badak ayrô-mawqa le kabut raqta Safarah Gacan-Golo deqsitta goloh addal, Goog elle yaaguqeeni'gidih, arac aceeyyo. Goog kee kay qaskar too aracal aaguqeloonuuh; tohuk lakal sinam tokke safarah magacan. Too arac Goog le Mango Qaskarih Golo deqsitele.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

2 Aydaad 20:26

Fereyhaytoh ayro Beraaka deqsitta golol gaabowna heeniih; too ayro tokkel YALLI keenih abeemih kaa faylisak asen. Too arac tohuk wadir Beraaka deqsitak raaqe.

Yasaqya 22:1

Yalli, Sirri-goloh giddinaamak ruube farmo ah teeti. Sugay isin inkih qarwah amo akah tawqeenim macaay?