Ayyuqel 3:11 - NABUWWA KEE MALIKWA

¹¹ Dariifal yan maraw, takkeenimiik sissikuk cokmi elle yakke golo fanah amay gaaboowa› inxica» 'yaanam iyye. YALLAW, maysattaka keenit abta'gidih ku qaskar rub!

Ayyuqel 3:11 Referans Kwoze

Yasaqya 13:3

Anu innih, yi bagcarra yaybulleeni'gidih, celeemah tan yi qaskaray yi taamah doorehiyyah seece. Oson yi iisa yafrice mara kinnon» iyye.

Xafanya 3:8

«Abletton! Ablettoonuk qambaala meqehik! Anu ummat abte umaane ummatal diggoysu waah, ken umaaneh ken digaalu waa saaki yanih. Doolatwa kee malikwa inki aracal gaabossa heeh, yi naqbi le'nna ken aybulleem faxa. Inkih tan baaxo yi naqabuh obtu wayta girat cararele.

Miika 4:12

Toh iyya mari YALLI abam faxam mayaaxiga. Daro caffak elle meexaana'gidih inki aracal akah gaaboysan gurral, YALLI ken digaala'gidih ken gaaboysem mayaaxigan.

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Yasaqya 10:34

YALLI, caxa godmat elle yargiqen innal, ken argiqele. Cooxuk inkih yayse Lubnaan cooxih innah radelon.