Ayyuqel 3:10 - NABUWWA KEE MALIKWA

¹⁰ Buqre edde abtan biriitak seefwa bicisa. Cooxuk luudwa edde argaquk sugten gileelak, macaxu bicisa. Boola le mari kinni way qeebik raaqe waay.

Ayyuqel 3:10 Referans Kwoze

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.

2 Aydaad 25:8

A mari carbil kaxxam koh xiqeloonum takkale koo immay, nasri koh teceeh qeebil naqboytak koo taysiisem, Yalla ikkal, a mara hinna. A mari sin lih gexek, Yalli naqboytit siinik aysiisele» kaak iyye.

Miika 4:3

YALLI baaxooxal yan tittin way bicsele. Kaxxa doolatway qande leh fanat bica abele. Qeebi edde abak sugen seefwa buqre edde aban biriitah gacselon. Qeebi edde abak sugen macaxu caxak luud edde yargiqen gileelah gacselon. Ahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Yasaqya 2:4

Mango doolatwah fanat bica abeleeh; baaxooxal yan tittin-way bicsele. Qeebi edde abak sugen seefwa buqre edde aban biriitah korselon. Qeebi edde abak sugen macaxu caxak luud edde yargiqen gileelah gacselon. Tahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.