Ayyuqel 2:31 - NABUWWA KEE MALIKWA

³¹ YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 2:31 Referans Kwoze

Malaaki 4:5

«YALLIH ayroy sahda akak meysitta kaxxa ayro kinnihiyya tamaateemik naharal, anu nabi Eliyyas sin fan ruubeyyo.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Ayyuqel 3:15

Ayro kee alsa dattooweleeh; cutuuka ifak maraqta.

Ayyuqel 2:10

Ta qanayti yamaate way, baaxo axaxittaah qaran yangayye. Ayro kee alsal dite radda; cutuuka bar ifak maraqta.

Ayyuqel 3:1

YALLI iyyaamah, «Too ayroorah addat, Israayil kee Yuudâ marah luk sugen gaddaliino gacseyyo.

Ermiyaas 4:28

Tonna leemiik, baaxo rookitele; qaran dattoowele. Tah intam yooy; exce yaabat maqagita. Excem exceh ikkal, tohum abeyyo› 'yaanam iyye.

Yacedkel 32:7

Koo bayisu waa saaku, qaran kee cutuukal dite qideyyo. Ayro qamburrek darret gacele. Alsa ifu cabele.

Ayyuqel 2:1

Baanta ugura. Taahirik tan Siyon Qaleh amook turumba kaayisa. Israayil ummatey, YALLIH cokmih-ayro xayih immay cunxita.

Ayyuqel 2:2

Too ayro baaxol data qamburreey gaanibiy kaxxa dite le radele. Casri sinni qanaytuy baaxol oobehiyyak gexxaamah, qaleeli amballayuk maraaqa. Tah duma akke wayteeh, sarra akke waytu waytam kinni.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Zakariyya 14:6

Too ayro qaraanal ayro mifta'mmay, wac magacaay baaxol barad marada.