Ayyuqel 2:26 - NABUWWA KEE MALIKWA

²⁶ Ahaysa maaqoh takmeenim mawaytaanaay cayyetton. YALLAY sin Dagelta kinnihiyyay a axxul le maqaane siinih abe faylisetton. Yi mari ahaysa bursuten mara mayakka.

Ayyuqel 2:26 Referans Kwoze

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 45:17

Israayil ummat YALLI wadeh yan! Israayil ummat tahaysa wadu mawaytaay, qaybi wadiriik ken mayabbixa.

Yasaqya 54:4

Qunxuk ten saaku kot rade biyak kot maqagitaay, gubnah innah edde sugte dibuukitiyyak katettoomih sabbatah, ahaysa qaybik maradda'mmay mameysitin; qaybik koo maqidaana'mmay niya isik margaqin.

Yasaqya 25:1

YALLAW, yi Goyta kinnito. Litom muxxo le diggah ten. Dumaak elle malisse'nnal, ku diggay dudda lehiyyat, akke-waynuh tanim abte. Toh abaluk koo aynabeyyo; fayla kaadu koh abeyyo.

Zakariyya 9:17

Baaxo too saaku kaxxam amqele. Baxuw kee furrayna inkih, mango daro kee qusbih bicsen qinab kamrik adoobitak ariiqo baahelon.

Zakariyya 9:15

YALLAY Nabaamak Naba isi ummat umaanek catele. Kay ummat naqboytiitik aysele. Qinabak bicsen kamrik cayyeh yiskire numih innah, qeebi booxal tirtiriselon. Naqboytiitik qabala caxelon. Ken naqboytiitih qabal, sadgatah qiden saqih qabalay sacnik sadgat elle aban mansaf bagul caxaanahiyyah innah caxitele.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Yasaqya 29:22

Tohuk ugutak, YALLAY Abraahim gadaamak yeyyeeqe Dagelta kinnihiyya, Yaqkuubuk rade marih giddinaamak iyyamaa, «Yaqkuubuk rade mari ahaysa akah wacarriyam mali. Ahaysa cunxoh fooci keenik maburraacita.

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Nacmiya 9:25

Maroh gaso edde tan magaalooli yibbixen. Rob elle radaah kullim elle taabuke baaxo kee kullim addal akak tan qarwa keenik raaqisen. Lee edde raaqisan boodooda kee, *daytuun xala coox kee, qinab xala coox kee, kalah yan caxâ-miru xala coox keenik raaqisen. Isinnih faxxa haanam yokmeenih, ariiqo baahen. Atu keenih ucuyya hayte maqaanek inkih cayyen.

Miika 6:14

Adoobittaanamah cayya m'intaanaay, satqa sin macabta. Abtaanam takkaleenim gabal siinik mabicta. Cattaanam takkalen duyye macattaanaay, carbit siinik bayseyyo.