Ayyuqel 2:21 - NABUWWA KEE MALIKWA

²¹ Baqurê-baaxoy, YALLI nabam koh abem ubulaay, ahaysa mameysitinaay ruffu 'xic.

Ayyuqel 2:21 Referans Kwoze

Yasaqya 54:4

Qunxuk ten saaku kot rade biyak kot maqagitaay, gubnah innah edde sugte dibuukitiyyak katettoomih sabbatah, ahaysa qaybik maradda'mmay mameysitin; qaybik koo maqidaana'mmay niya isik margaqin.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Ermiyaas 33:3

Yoh sec. Yoh secta way, seeco kok aabbeyyo. Kaxxa assakat leemiy aaxige waytay qagabah tanihiyya koo aybulleeyyo.

Yasaqya 35:1

Bacarih tan baaxoy bakarroytah tanihiyya ruffu axcele. Lee sinniih qayso sinni bacarih tan baaxo agda akkele. Birro kulli ikkel aabukeleeh, wir axcele.

1 Samuwel 12:16

Toh too tiyaay; taway elle tanin ikkel elle soola. YALLI abu waa kay kaxxa abitto abletton.

Zakariyya 8:15

Awayah tu gactek, Yarusalaam kee Yuudâ marak, barkat siinit haam faxa. Tahaysa akak meysittaanam manton.

Ayyuqel 2:20

Kilbatak yamaate naqboyta siinik waaseyyo. Too macaxuk garab bacarih tan baaxo fanah siinik xiiriyeyyo. Foocat yan macaxu Rabe Badat qideyyooh, salafti macaxu Maditraaniyah badat qideyyooh; barugi keenik baaxo abcisele. Macaxi gibdim siinil baaheemih sabbatah, anu ken bayseyyo» iyye.

1 Samuwel 12:24

YALLIH amri oobbeya! Isinni afqadook kay taamat gaca. Duma siinih abem kassita.

Hosiqa 2:21

«Yi mari yot aban kallaci keenik oggoleyyo. Rob keenih baaheyyo. Baaxol daro kee qinab xaylo kee *daytuun keenih aysubukeyyo. Yidraqel-Daqarih xaqul daro kee coox aysubukeyyo.

Yasaqya 44:23

YALLI isi taama abeh yanik, qaraanow ifric; ifricay qililis. Baaxoy kaadu ifricay qililis. Qaleela kee garbol yooboke cooxow, ifricay qililisa. YALLI Israayil ummat wadeh; isi qax-maqaane Israayil ummattat aybulleele.

Yasaqya 55:12

Naqoosinnak wallitak gexettoonum kaadu taaxigeenim meqe; amaanah awqetton. Qaleela kee koomaami sin foocal farcih gad abeleeh, coox kaadu farcih qililisele.

Ayyuqel 2:26

Ahaysa maaqoh takmeenim mawaytaanaay cayyetton. YALLAY sin Dagelta kinnihiyyay a axxul le maqaane siinih abe faylisetton. Yi mari ahaysa bursuten mara mayakka.