Ayyuqel 1:9 - NABUWWA KEE MALIKWA

⁹ YALLIH Qibaadah-Qarih addal sadgatah acayuk sugen qinabak bicsen kamri kee daro gaba kalteh. Seekay YALLIH naqoosah tanihiyya abak ten sadgat ahaysa mageytaay, tohih sabbatah rookitan.

Ayyuqel 1:9 Referans Kwoze

Ayyuqel 2:17

Yallih Qibaadah-Qarih adda akak culan culma kee sadgat elle aban aracak fanal, seekay YALLIH naqoosah-tani YALLAL weeqak dooqa abtaama. «YALLAW, isi marah xuwaw. Sahda nel asuule kalaay, sahda, ‹Sin Dagelti ankel yan?› axcuk elle qangaasalta mara nee maabin» axcuk dooqa abaanama.

Ayyuqel 2:14

YALLAY sin Dagelta kinnihiyya siinih loowe digaalak yaduurem takkeh. Orbissan murtit barkat heeh, yaymaggem takkeh. Too saaku kamadi kee qinabak bicsen kamri sadgatah YALLAH aceetton.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Hosiqa 9:4

Too baaxoy kenim akke waytahiyya gexoonu waan saaku, qinabak bicsen kamri YALLIH sadgatah acayuk maraaqan. Sadgatah saq qidaanamah YALLI keenik maraabita. Tonnah yan sadgat woo saaku akminnaan numul caraamu akkele. Rabe numih migaaqal yakmen maaqoh gide keenil akkele. Satqak bagi kibah yakmen maaqoh gidek keenih loowimele. Oson sadgatah qidan saqih cado, YALLIH Qibaadah-Qaril aban sadgatah keenik moorobta.

Yasaqya 61:6

YALLIH seeka siinih axceloonuh; ni-Dageltih-taamat gace mara siinih axcelon. Doolatwa tedderem sinim akkeleeh; wohul kaxxiinitetton.

Ayyuqel 1:16

Nubqure daro kee maaqo nek baatam nable. Yallih Qibaadah-Qaril akkuk yen farcat gaba kaleh.

2 Aydaad 13:10

«Ni tiyah tu gactek, YALLAY ni Dageltah yanihiyya naqbudeeh kaak maxxeerinnino. Sek Haaruun-duruyyat uxih seekah linooh, Leewih yooboke mara ken catot nabbixe.