Aster 9:30 - NABUWWA KEE MALIKWA

³⁰ Too warkatay yuktubeenil, Malik-Ekserkas xintoh gubat yan rasul enna 'ya Yahuuduh yooboke marah yuktuben warkata 'yaanam bagul akak ten. Yahuud marah amaan kee wagari gacay 'yaanam addal akak ten.

Aster 9:30 Referans Kwoze

Aster 1:1

Malik Ekserkas deqsita malik, dardaarinni korsi elle luk yen Fursi-rasuk inaytah-ten-magaalay Suusa-deqsitak-tenehiyyal gacca 'yeh Hindi-rasuk xabba haanamaay, Kuus-rasuh amma 'yaanam tan baaxoy bool kee labaatanna kee malcina rakaakay takkehiyyal ackamuk yen.

Aster 8:9

Aham edde tekkem sanatak sidochaytoh alsay Siiwan deqsitahiyyak labaatanna kee sidochaytoh ayrok ten. Mordakay malik kutbe-abeenitih secca yeeh, malik gubat xinta baaxoy Hindi-rasuk xabba haanamaay, Kuus-rasuh amma 'yaanam takkehiyyah addal tan bool kee labaatanna kee malciin takke rakaakayittel tan xintoh-abbobti kee doolat-saqolti kee doolatat-kaxxa-arac-le-marah yaktuboonu waanam keenih warse. Too mari too baaxol enna 'ya marak kulli marah le marih af kee feerat yuktuben waraakit ruuben. Yahuud marah kaadu isi af kee feerat too waraakit ruuben.

Zakariyya 8:19

«Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.

Yasaqya 39:8

Too waqdi Ciskiyyaahu iyyemii, «Ta way atu edde yabta YALLIH yab meqe yaaba» 'yaanam iyye. Toh akah iyyem, «Anu innih anim fanah, baaxo amaan akkele» 'yaanam niyal hayya heeh iyye.

Yasaqya 32:17

Kulli num cakkik-tan-maqaane le gitat gexeleeh, tohuk gexxaamah cisab mayalla; daayiman baaxol amaan gaceleeh nagay aniina anele.