Aster 3:7 - NABUWWA KEE MALIKWA

⁷ Malik Ekserkas edde reede taban kee nammeyhaytô-sanatak inikhaytoh alsay migaaqah Niisan deqsitahiyyah addat, woo-elle-malsem edde-abeh-meqe-ayro yaaxige'gidih, ramli qide. Too ramlik migaaqah ken afat Fuurim axcuk yenen. Sarrak Yahuud mara edde qiduh, ramlih sanatak taban kee nammayhaytoh alsay Adar deqsitahiyya tewqe.

Aster 3:7 Referans Kwoze

Qedra 6:15

Yallih Qibaadah-Qarih xisnek, Daryawes deqsita malik edde dardaare laceyhaytô sanatak Adar deqsita alsak sidochaytoh ayrot gaba kalen.

Aster 9:21

Too waraakitil ken yiysixxigeemih, Adar alsak taban kee ferey kee taban kee konoyhaytoh ayrot kulli sanatal qiidih asa.

Aster 9:5

Tonna leemiik Yahuud-mari duma naqboytiitih keenik suge marak isinnih faxxa haanam aben. Seefit ken yusguuden.

Aster 9:1

Adar deqsita alsak taban kee sidochaytoh ayroy duma Yahuuduh yooboke mara qida 'yaanamih amri edde yeceenihiyya toofeeh; Yahuud niqibuk suggu 'ye mari too alsat isinni gubat ken haanam faxak yenen. Takkay immay toh makkinnay, wohih aftok Yahuud-mari keenik yaysem tibbixe.

Aster 2:16

Ekserkas malik edde yekke malcinhaytô-sanatak taban haytoh alsay migaaqah Teebet deqsitahiyyat, Aster malikiy isi gasoh addal yanihiyyah fan baahen.

Aster 1:3

Too malik edde dardaare sidochaytô sanatat, qaffaydah kay gubal doolat-taamak-saqoltih yan mara kee, xintoh-abbobtih yan marah inkih kaxxa xigla abe. Too xiglah Fursi-rasu kee Meediyah-rasul tan qaskar kee, rakaakayittel xintok abbobti kee muddaqiyitte inkih temeete.

Nacmiya 2:1

Tu edde taade Artacsasta deqsitak yen malik edde reede labaatanhaytô sanatak migaaqah Niisan deqsita alsat, malik qinab kamri elle yaaqube'kkel, too kamri gabal kaak hee. Dumak kay foocal farcatal taamitak suge. Woo saaku faxe waynaan ceelo yok yubleh.

Qedra 4:6

Tonnal, Ekserkas deqsita num malik edde yekke sanat, Yuuda kee Yarusalaam magaalal yan marak naqboytiitih yen mari, wayto keenik elle yuktuben warkat malikil ruuben.