Aster 3:10 - NABUWWA KEE MALIKWA

¹⁰ Toh iyye waqdi, malik feerat luk suge ferranto eyyeqqa heeh; Yahuud marih naqboytah yan Hammadaatá-Haaman gabal hee.

Aster 3:10 Referans Kwoze

Aster 8:2

Malik sarrak isi ferrantoy duma Haamanah yeceeh sugehiyyay malik asta elle tanihiyya Mordakayah yecee. Aster kaadu Haamanak raqte duyyeh abbah Mordakay hayte.

Aster 7:6

Too waqdi Aster inteemih, «Ni naqboytay nee qidsiisam faxahiyya amah kaa; ama umeeni, Haamana» kaak inte. Haaman too waqdi hagga yeeh, way malikik intik adda waggaay, way Aster fan wagga hee.

Aster 8:8

Awayah tu gactek, malik migaaqal yewqe amri kee kay asta elle tan warkat korsaanam mabicta. Tonna'mmay away isinnih elle faxxa haytan gurral, Yahuud marah waraakit aktubaay, taktuben waqdi, yi migaaqal uktubay malik asta edde haa» iyye.

Aster 3:1

Ayrok teena Malik-Ekserkas, Haaman deqsita num reedah inkih tan muddaqiyittek daga raaqa aracal hee. Haaman Hammadaata deqsita numih baxak yen. Oson Agag deqsita numuk rade marak yenen.

Aster 3:9

Tonna'mmay hayba le malikow, kot bictek, a maral rabi elle yamaate madqa tayyaaqem tayse. Anu kaadu sidiica boolih alfih kiilo takke lakqo ku kadnat culsaana'gidih, ku doolat-abbobtih aceeyyo» iyye.

Aster 3:11

Sarrak kaak iyyeemih, «Too lakqo isih daanis; ahaysa too mara kuumuk, isih faxxem keenik ab» kaak iyye.