2 Samuwel 9:10 - NABUWWA KEE MALIKWA

^10-11 «Kooy ku xaylo kee koh taamita marak inkih kay baaxo abqurettoonuuh, kay daro afiiletton. Tonnal kay buxah mari maaqo geele. Mafibosetih tu gactek, usuk kulli way yi buxal adoobitele» kaak iyye. Xiba, «Meqeh yi amoytaw, atu yok intem abeyyo» iyye. Xiba lab-xaylok taban kee konooy luk yeneeh, kaah taamita marak labaatanna takkem luk yen.

2 Samuwel 9:10 Referans Kwoze

2 Samuwel 9:7

Too waqdi Dawud kaak iyyem leh: «Yok mameysitin. Ku abba yok kaxxa kataysak sugeemih sabbatah, koo catam faxak. Ku kaxxa-abba Saawul luk suggu 'ye baaxo inkih koh gacseyyo. Atu kaadu a saakuuk xabba haanam yi buxal adoobittaama» kaak iyye.

2 Samuwel 19:28

Yi marah inkih, rabak sah taguudem matan. Takkay immay yooy, isih akminnaanim is lih adoobisak sugte. Tahaysa yok raqteemiy yoh ab axcuk koo essera mayyu» iyye.

2 Malikwa 25:29

Tonna leemiik, casbi-sartanay edde sugehiyyak katta 'yeh, meqe sarat gacak, rabba 'yam fanah malik adoobita maaqo kaa'lih adoobitaamih idni malikik geeh yen.

2 Samuwel 16:3

Malik Dawud, «Ku abbah baxih baxi maca abe?» iyye. «Usuk Yarusalaamal elle raaqe. Akah raaqem, ‹Israayil mari yi kaxxa abbah dardaarinna yoh gacsele› 'yaanam niyal heeh, tohuh raaqe» kaak iyye.

2 Samuwel 21:7

Takkay immay kaa kee Yonaatan luk ten Yalla-kee-xaganih sabbatah, Yonaatanak raaqe baxay Mafiboset deqsitahiyya keenil maacannaay raaqiseh.

1 Malikwa 2:7

«Gilqad rasul yooboke Bardillayah xayloh emeqaay amo keenik wagit. Woh akah kok axcem, ku toobokoyta Absalaamak kude saaku yoh yemqeenih yenen.

Ermiyaas 52:34

Tohuk kalah, faxxa haam edde xaamituh, kulli ayro lakqo kaah acayuk sugen. Rabba 'yam fan tonnal suge.

2 Samuwel 19:18

Tokkel malik lih yan mara lih wakalih gacca 'yeenih, malik keenik aba iyyem abaana'gidih, Ordon-weeqaytuuk taturra kaa'lih iyyen. Malik woo weeqaytuk tabam faxa waqdi, Simqi malikik foocal gulubuh radeh iyyemii,