2 Samuwel 8:8 - NABUWWA KEE MALIKWA

⁸ Kalah kaadu, Hadad-Qeder abbah elle suge namma magaalay Betac kee Berootay deqsittahiyyak mango nacaas bee.

2 Samuwel 8:8 Referans Kwoze

1 Aydaad 18:8

Tohuk kalah kaadu, nacaasak bicsen duyyek mangom raaqise. Too duyye akak beem, Tibhat kee Kun deqsitta namma magaalay Hadad-Qeder malikih elle sugehiyyak ten. Suleeman, Yallih Qibaadah-Qarih addal ten qamidwa kee kaxxa tanak kee, tonnah kaadu, nacaasak bicissa heen duyyeeyay Qibaadâ-Qarih-taama edde abak sugeenihiyya woo nacaasak bicsiise.

Yacedkel 47:16

Beroota kee Sibrayim magaalah amma 'yaanam takke baaxo kenimi. Ta namma magaalooli elle geytintam, Damasko kee Camat doolatih cuduuduk fana. Tokkek xabba haanamaay Caxar-Hattikon deqsitta magaalah amma 'yaanam tan baaxo kenimi. Caxar-Hattikon elle geytintam, Cawran deqsita rakaakayih cuduudu.

1 Aydaad 29:7

Too mari tittat yecee duyye; dahabak bool kee malcina-tabanih alfih kiilok fula takkem kee, lakqok kaadu sidooca bool kee morootom alfih kiilok fula takkem kee, nacaasak laca boolih alfi kee labaatanni kiilo takkem kee, biriitak kaadu sidiica malyoon kee affara alfih kiilok fula yeceen.

1 Aydaad 22:16

dahab kee lakqo kee nacaas kee birtak mansafwâ-bicsa yaaxigehiyya kaadu lito. Tahak wadir taama qimbissaamaay, YALLI koo elle catay» kaak iyye.

1 Aydaad 22:14

Qibaadâ-Qarih xisneh tiyakaa, innih akah taqabba exceh; a qaril haytu wayta dahabak sidiica malyoonih kiilok fula yakke dahab kee, soddom malyoonih kiilok fula takke lakqo gaabossa heeh cabeh an. Tohuk kalah kaadu, loowo sinni nacaas kee biriita a qarih xisneh gaaboyseh an. Tonnah kaadu xisnê-coox kee xeetik mangom gaaboyseh ani'mmay ahak raqtam atu isih edde osissaama.

2 Samuwel 8:7

Malik Hadad-Qeder gubal ten doolat abbobti luk sugte mango goobuy dahabak bicseenihiyya carbit keenik raaqiseeh, too gooba Yarusalaam magaala fan guure.

1 Malikwa 11:23

Yalli kaadu Elyadaq baxa Radon, Suleemanak naqboyta abe. Radon lih taamitak yen malikiy Hadad-Qeder deqsitahiyyak kudeh gexe. Hadad-Qeder Xooba deqsita rasih malikik ten.

1 Aydaad 18:1

Waqla suggu 'yeenik lakal, Malik Dawud Filistiin marat qeebi abeeh too qeebil keenik yeyse. Filistiin mari elle suge Gat magaala kee tet dariifal tan mandarwa keenik raaqiseeh isi gabat hee.