2 Samuwel 8:14 - NABUWWA KEE MALIKWA

¹⁴ Sarrak inkih yan Edom rasul isi qaskar hee. Tokkel suggu 'ye mari kay gubat gace. Dawud elle gexinnaan ikkel abinnaan qeebil, YALLI nasri kaah acayuk yen.

2 Samuwel 8:14 Referans Kwoze

2 Samuwel 8:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah agdayuk raaqe. Dawud qeebi elle abinnaan ikkel YALLI nasri kaah yecee.

1 Aydaad 18:13

Sarrak inkih yan Edom rasul qaskar heeh, tohuk wadir tokkel suggu 'ye mara Dawud gubat hee. Dawud elle gexinnaan ikkel abinnaan qeebil YALLI nasri kaah acayuk yen.

1 Malikwa 22:47

Edom-rasi malik luk mananna. Edom akah xiinak yenem Yuudâ-malik doore kay afak yen numih xintok ten.

2 Samuwel 8:15

Tonnal Dawud inkih yan Israayil rasuk amoyta yekkeeh, abbah akak yan mara inkih cakki kee qadaalatat xiinisak suge.

1 Malikwa 11:15

Ah takkeemik naharal Dawud Edom marak qeebil yeyse saaku, kay qaskarak-abbah-yen-Yowab rabe-mara yaaguqe'gidih, wokke gexeh yen. Too saaku kaa kee kay mara Edom rasul laca alsa sugeeniih; sugga 'yaanam fan Edom rasul labhak sugga 'tem selli heen.

2 Samuwel 5:10

YALLAY Nabaamak Naba Dagelta kinnihiyya Dawud lih yeneeh; tonna-leemik Dawud qandeh ayrook ayro aysuk yeyse.

2 Samuwel 7:9

Atu gexinnaan ikke ko'lih gexak suge. Atu fooca fanah akah gutuqta'nnah, naqboytiitik qeebil koo aysiisuk suge. Uxih a addunyah bagul kaxxa migaq-gexxo le marak kaxxihii, kaxxa migaq kot heeyyo.

1 Malikwa 22:48

Malik-Yacoosafat kaxxa badal gexa maraakib Oofir rasul dahab goranah gexa'gidih bicse. Takkay immay woo maraakib wokkel elle, Qexyon-Gabar deqsita aracal finqiteeh gexak maraaqinna.

2 Malikwa 14:7

Amaxya Edomuh yooboke marak tabna alfi qaskariita Qasbo-le-Golo deqsitta golol qide. Silaq deqsitta magaala qeebit yibbixeeh; Yoktaqel 'yaanam migaaqah teetik iyye. Ta saaku fan too migaaqal tet yaaxigen.

2 Malikwa 18:7

YALLI kaa'lih yeneeh; usuk abba hannaanim inkih gabal kaak bicak ten. Usuk Assuuriyah-malikih yab oggolaanam kee kay xintoh gubat gacaanam raabite cineh.