2 Samuwel 7:24 - NABUWWA KEE MALIKWA

²⁴ YALLAW, Israayil mara isi maray way ayxeere waytahiyya abteeh; atu isih Dagelta keenih tekke.

2 Samuwel 7:24 Referans Kwoze

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.

Ermiyaas 32:38

Tohuk lakal oson yi mara akkeloonuuh; anu kaadu ken Dagelta akkeyyo.

Ermiyaas 31:1

YALLI iyyemii, «Too dabaanal Israayilik radde kedooda yi mara akkeloonuuh, anu amo keenik wagta Dagelta keenih akkeyyo. Tah intam yoo YALLA» 'yaanam iyye.

1 Aydaad 17:22

YALLAW, Israayil mara isi maray way ayxeere waytahiyya abte; isih Dagelta keenih tekke.

2 Samuwel 7:23

Israayil ummattay isi mara abta'gidih naqoosinnak teyyeeqehiyyah bis le doolat addunyâ-bagul matan. Atu keenih abte kaxxa taama ku migaq addunyâ-bagul fayya hayte. Ku maray duma Masril edde suge naqoosinnak teyyeeqehiyya, qeebil bisoh gutuqak elle yamaateenimil, ken taagah wokkel suge mara baaxok teyyeeqeeh, Yalla 'yeenih aqbuduk sugen duyye baaxok kalteh.

2 Samuwel 7:25

«Dagelta kinni YALLAW, yooy ku naqasu kinni kee yi marah culte xagana xagur. Abeyyo intem neh ab.