2 Samuwel 6:7 - NABUWWA KEE MALIKWA

⁷ YALLI too waqdi bagcarriteeh; toh Quddah raba xalte. Ta rabi kaa akah yibbixem, Yallat luk suge baaqid sinna. Qudda tokkel elle, Yallih Qahdi addat akak yan Sanduguk garit rabe.

2 Samuwel 6:7 Referans Kwoze

1 Samuwel 6:19

Beet-Semes mari woo Sanduguy YALLIH Qahdi addat akak yanihiyyah adda wagten waqdi, YALLI malcina-tabanih num keenik qide. YALLI a axxul le mara keenik qideemih, wokkeh mari rookiteh.

1 Aydaad 15:13

A saaku ah siinik akah axcemii, ahak duma a Sandug bahnam fanxe waqdi, isin masuginnitoonuuy; Yallih assanabbiyyah nek faxxintam elle abna'nna maaxaginninooy; tonna-leemiik YALLAY ni Dageltah yanihiyyah digaala nee maadde» 'yaanam keenik iyye.

1 Aydaad 13:10

Takkay immay a Sandug gabah xagem YALLIH bagcarra kaah xalteeh, edde rabe. Tokkel elle Yallih foocal rabe.

1 Aydaad 15:2

Tohuk lakal usuk iyyeemih, «Qahdi Sandug Leewih yaabuke mari yakkuqay. Macaay inteenik, YALLI iyyeemih, ‹A Sandug yakkuqeenim kee, daayiman yoo yakdumeenimih taamah doorem, keeni› » 'yaanam iyye.

1 Samuwel 25:38

Tabna ayroh gide suggu 'yek sa, YALLIH utkah yumuttukkeeh rabeh.

2 Samuwel 6:8

Dawud, YALLI bagcarriteh Qudda digaalem yuble waqdi, yinqibeh. Tohuk wadir too aracak Fares-Qudda axcuk raaqen.