2 Samuwel 5:6 - NABUWWA KEE MALIKWA

⁶ Dawud naharak Yarusalaam magaalal yabbaxu waa saaku, wokkel guubuh suge Yabuusa deqsita mari woo magaala qeebil keenik raaqiselem makkalinnoonuuy; tohuk gexxaamah kaak iyyeenimih, «A magaala cultu madudda. A magaalal taniimik dibuk inti-maleela kee iba-maleela kinni way koo culi mahayta» kaak iyyen.

2 Samuwel 5:6 Referans Kwoze

Makaabon 1:8

Yuudah yooboke mari Yarusalaam magaalat qeebi abeenih, woo magaala woo qeebit yibbixen. Magaalal suge mara qideeniih, magaalat gira ruuben.

Ermiyaas 37:10

Inkih tan Baabelon-qaskaray qeebi kot abtu waytahiyyak qeebil tayseemih; siraq addat xaaguqal raaqinnaan num takke way tet abbixeleeh gira teetit ruubele› kaak inxic» iyye.

Makaabon 1:21

Benyam marah tu gactek, Yabuusah yooboke maray Yarusalaam addal sugehiyya woo magaala yibbixen saaku mayyaaqinnon. Tonna-leemiik Yabuusâ-mari, Benyam-mara lih too magaalal elle raaqen.

Yoosuwa 18:28

Xelaq kee Eelef kee, Yaabus deqsitta magaalay sarra Yarusalaamal muggaaqiseenihiyya kee, Gibqa kee Kiryat-Yaqaarim akkuk ten. Too magaalooli tittat taban kee affara magaala akkuk ten. Tohuk kalah too magaaloolih dariifal tan gaandoodi kenim tekke. Benyaamah rade mari gee baaxo mangah too gide akkuk ten.

Yoosuwa 15:63

Tonna'mmay Yuudah yooboke mari Yarusalaam addal yen Yabuusa deqsita mara woo magaalah addak yayyaaqoonu maduudinnon. A saaku fanah woo mari woo magaalal ken lih dabaaqah yanin.

Yoosuwa 10:3

Sarrak ta malikii, Cebron deqsitta magaalal malikih yen Hooham kee Yarmut deqsitta magaalal malikih yen Firam kee Laakis deqsitta magaalal malikih yen Yafiyaq kee Qeglon deqsitta magaalal malikih yen Dabiirih farmo ruubeeh, keenik iyyemii:

2 Samuwel 22:30

Naqboytit aatakuh, cayla atu yoh tecee. Yot koysitaanamak, cayla atu yoh tecee.

Ermiyaas 21:13

«Yarusalaam magaalak kaadu iyyeemih, ‹Yarusalaamey, atu intam: Fayya 'ta ikkel aniih, yoo xagtam matanaay, yi adda num macula 'yaanam inta'mmay qeebi anu kot abeyyo.