2 Samuwel 4:8 - NABUWWA KEE MALIKWA

⁸ Sarrak yirgiqen moyyay gabat baaheenihiyya Malik Dawuduy Cebron magaalal sugehiyyal yeceen. Too waqdi kaak iyyeenimih, «Saawuluy kok naqboytah sugeeh koo qidam faxak sugehiyyah baxih moyya bahneh, amah teetiiy; tonna'mmay ni amoytaw, YALLI, Saawul kee Saawul buxah marak cane koh gacsem ta saaku!» iyyen.

2 Samuwel 4:8 Referans Kwoze

1 Samuwel 25:29

Qeebi kot abam faxaah koo qidam faxa num yenek, YALLAY ku Dageltah yanihiyya koo dacrisele. Num kicna duyye elle dacrisa innal, YALLI koo dacrisele. YALLI ku naqboytit wanxefit xeet elle qidan innal qidele.

2 Samuwel 22:48

Yoo niqbah yan marak, yoo tiysiisem YALLA; YALLAY yoo dacrisa, ummat yi gubat hee.

2 Samuwel 18:31

Sarrak Kuusuh aabakuk yen num yemeeteeh, malik Dawuduk, «Yi amoytaw, meqe xaagu koh abbixe. YALLI a saaku qeebi kot abam faxak suge marak koo yiysiiseh, umaane abe waytem kok qaddoyseh» kaak iyye.

2 Samuwel 18:19

Saaduk baxi Acimqax Yowabak iyyeemih, «Malik fanah arduk gexxa exceh, YALLI naqboytiitik kaa catem kaah warisu waak, gexu yoo cab» iyye.

1 Samuwel 24:4

Too waqdi Dawud mari iyyeemih, «Ta ayro YALLI, ‹Faxxem akak abittuh, ku naqaboyta ku gabal heeyyo› 'yaanam kok akak iyye ayrok tanih tan» iyyen. Sarrak Dawud sasot amma 'yeh Saawul culsah edde yan kameesik exxâ-baxa yirgiqe.

1 Samuwel 23:15

Dawud uqrat edde yan aracay Cores deqsitahiyyaak, Saawul kaa qida'gidih goranat kaak yanim yoobbeh. Dawud too aracal yan waqdi,

1 Samuwel 20:1

Tohuk lakal Dawud Nayot deqsita aracay Raamal geytimahiyya cabeh, megloh Yonaatan fan yemeete. Yonaatanak iyyeemih, «Baahem macaay? Sugay! Baahem mannah yan biilu? Ku abba yoo akah qidam faxam macaay? Maca kaal baaheeh?» iyye.

1 Samuwel 19:15

Too mari Saawuluh toh warse waqdi, Saawul keenik iyyeemih, «Gexay isinni intih ubula. Lakmisak sugek, ukkuqqa kaa haay akke kaa baaha; anu kaa qideyyok» keenik iyye.

2 Samuwel 2:8

Dawud too farmo ruube saaku, Ner deqsita numih-baxay migaaqah Abner deqsitak yeneeh Saawul qaskarak abbah yenehiyya, Malik-Saawul xale Isboset deqsita num Ordon Weeqaytuk tabissi kaa heeh, Macnaayim deqsitta magaala fan kaa baahe.

1 Samuwel 19:1

Saawul, isi baxa Yonaatan kee kay gubal taamita marah inkih Dawud qidam faxam warse. Yonaatan Dawud kaxxam kicinuk yeneeh;