2 Samuwel 3:21 - NABUWWA KEE MALIKWA

²¹ Abner kaak iyyemii, «Taway Israayil mara ku gabah gacsa'gidih gexu waa. Oson ko'lih bica haysiteloonuh isinni malik koo abelon. Too waqdi faxak sugtem geettooh inkih tan baaxoh amoyta akketto» kaak iyye. Too waqdi Dawud num kaa xage waamih digga kaah warseh muquk kaa ruube.

2 Samuwel 3:21 Referans Kwoze

1 Malikwa 11:37

Yarobqamow! Koo Israayil malik abeyyooh, isih faxxa hayte rasul inkih abba koo abeyyo.

2 Samuwel 3:12

Sarrak Abner Dawuduy woo saaku Cebron deqsita aracal guubuh yenehiyya fanah farmo ruube. Iyyeemih, «A baaxo xiinisu waa abba tanim iyya takkale? Yo'lih bica haysitaay, tonnal inkih yan Israayil rasih marak koo aysiiseyyooh, ku qaxat ken raaqiseyyo» 'yaanamih farmo kaah ruube.

2 Samuwel 2:9

Tokkel Abner, Gilqad kee Aaser kee Yidraqel kee Efrayim kee Benyam rasu kee inkih yan Israayilik malik kaa abe.

2 Samuwel 3:20

Abner labaatanni num wakalih is lih hayya heeh yemeete. Too saaku Dawud kaxxa qibnaytiino kaah abe.

2 Samuwel 5:3

Israayilik saqoltih yan mari toh axcuk Cebroonul kaal yemeeten saaku, Dawud kee Israayil ummatak saqoltih yen mari YALLIH foocal xagana tittah culen. Sarrak kaa yuskuteeniih; usuk tohuk wadir Israayil malik yekke.