2 Samuwel 3:18 - NABUWWA KEE MALIKWA

¹⁸ taway too nasiib geyteenihik, isinnik maruubina. YALLI duma Dawuduk iyyemii, ‹Dawuduy yi naqasuh yanih gabat Israayil ummattay yi ummattah tanihiyya Filistiin-mara kee kalah tan naqboytiitik ayyaaqeyyo› iyyeh yenek, ta saaku kaa doorita» keenik iyye.

2 Samuwel 3:18 Referans Kwoze

1 Samuwel 15:28

Too waqdi Samuwel annah kaak iyye. «YALLI a saaku Israayil ummatih amoytiinu kok kaleh, gersi numuy kok yaysehiyyah yecee.

2 Samuwel 3:9

YALLI duma Dawuduk, ‹Saawul kee Saawul-xaylok dardaarinna beyya heeh ku gabal heeyyo. Israayil kee Yuudâ rasuk inkih malik koo abeyyo› 'yaanam iyyeh yen. Anu taham inni gabal duudussa hee week, Yalli yoo bayisay» iyye.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 13:14

Awayah tu gactek, ku abbootanni tama'kket edde yaade. Macaay intek, atu kay amri cinteh. YALLI isih faxa num geeleeh isi marih abbah isih kaa heele» iyye.

1 Samuwel 9:16

«Beera ta uddur Benyam kedoh yaabuke num kol ruubeyyok, Israayil amoyta yakke'gidih kaa uskut. Usuk Filistiin marih gabak Israayil catele. Yi mari abe biyak kee catô-goranah aben weeqa keenik oobbeh an» 'yaanam iyyeh yen.

2 Samuwel 8:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah agdayuk raaqe. Dawud qeebi elle abinnaan ikkel YALLI nasri kaah yecee.