2 Samuwel 3:14 - NABUWWA KEE MALIKWA

¹⁴ Isboset kaadu farmo ruubeeh iyyeemih, «Rihimih Filistiin marak bool numih komborih arab elle ecee Miikal yoh gacis. Miikal yi barrak, yoh gacis» kaak iyye.

2 Samuwel 3:14 Referans Kwoze

1 Samuwel 18:27

Dawud kee kay mara gexxeeh; Filistiin marak namma bool num qideenih yemeeten. Kombor-arooba bahha heeh, malikik foocal lowwa heeh, namma bool duudussa kaal hee. Tohuk wadir, Saawul is baxá rihimih kaah yecee.

1 Samuwel 18:25

Tohuk lakal Saawul kaadu too maral farmo kaah ruubeeh iyyeemih, «Malik, ‹Isi baxál alkumuh bool yakke Filistiin mara qidda hay labiinak kombor-arab kalla haay yoh keenik bah. Tohuk sah kok faxam mayyuk, tohum ni naqboytiitih digaala akkele, kok iyyah yan› inxicay kaah warisa» 'yaanamih farmo kaah ruube. Saawul toh kaa elle qidsiisa'gidih iyyeemik ten.

2 Samuwel 2:10

Isboset malik yekke saaku, qumrik morootumut yeneeh; malikih sugem namma sanatih gidek ten. Yuudak rade mari, kaa hinna'mmay Dawud lih gace.

1 Samuwel 25:44

Too saaku Saawul isi baxá Miikalay Dawuduh abeh sugehiyya Laysá-Faltih yeceeh suge. Falti, Gallim deqsitta magaalah numuk ten.

2 Samuwel 3:15

Toh yoobbe waqdi Isboset tet abbaxuk suge numuy migaaqah Laysá-Faltiyel deqsitak yenehiyyah farmo rubbu heeh bahsiise.

2 Samuwel 6:16

Sandug Yarusalaam magaala culsan waqdi, Saawuluk raqte baxáy, migaaqah Miikal deqsitak teneeh Dawud abbaxuk yenehiyya, taagatak afah wagga hayte. Too waqdi tet baqalay YALLIH massakaxxah wonnak annah kaqitaah, taahirik tan rigdoh yargidehiyya tuble. Toh tuble waqdi, «Ah tu'numuk tanih matan» 'yaanam niyal hayteeh kaa burutteh.