2 Samuwel 24:16 - NABUWWA KEE MALIKWA

¹⁶ Too dalkat sahda qidak suge malaykatti, Yarusalaam magaalah mara kaadu edde qidam faxak suge. Too waqdi YALLI a mara digaalaamak qaadeeh; malaykattuk, «Ahaysa qidim eyseedey sinaamak qiddem duddak» iyye. Woo malaykatti woo waqdi Ornan deqsita numuy Yabuusa deqsita marah yoobokehiyyah aracay darok caffa elle kalaanahiyyah garil soolak suge.

2 Samuwel 24:16 Referans Kwoze

2 Aydaad 3:1

Suleemanak abba Malik Dawud, Yallih Qibaadah-Qari elle xisoonu waan arac dumal elle bicseh suge. Too arac, Yarusalaam magaalal tan Mooriya deqsitta qalek ten. Too arac, tohuk dumal Ornan deqsita numuy Yabuusa deqsitta kedoh aabakuk yenehiyya, daro kee caffa tittak elle baxisak yen araca. Suleeman qari-xisne qimbise.

2 Malikwa 19:35

Too bar YALLIH malaykatti Assuuriyah-mari elle yan ikke amma 'yeh bool kee bacra-taban kee koona alfih num yiggifeh maacise. Saaku sinam xiinik ugutte waqdi, too gide yakke marih ginaada yublen.

1 Samuwel 15:11

«Saawul malikih heemih away nadaamitah an. Yoo cineeh yi yab cineh» kaak iyye. Toh Samuwelit kaxxam toomeh, too waqdi inkih yan bar YALLA kallacak xiine.

2 Aydaad 32:21

YALLI, malaykattu ruubeeh; woo malaykatti Assuuriyah qaskar abbobti kee qaskar qide. Assuuriyah malik tohut wacarriy kaa yibbixeeh, Assuuriya fan yuduure. Ayrok teena Assuuriyah malik, Yallih aftok yalla axcuk Yalla akke sinnim elle yaqbude qarih addal yan waqdi, kay xaylok tu seefit kaa qidde.

Zakariyya 9:7

Qabal tif hayta cadoh makumuk raaqelon. Caraamak tan maaqo mayakman. Raqqa 'ye mari yi mara akkeleeh, Yuudah yooboke marih gexsot gexelon. Ekron mari, Yabuusah yooboke marak kaxxih, yi mara akkele.

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.

Qaamus 7:6

Too way YALLI keenih xuwaaweeh, ‹Ruube raare girah bala matakka› iyye.

Qaamus 7:3

«Too waqdi YALLI keenih racmateeh, keenil ruube raare bala matakka iyye. Yok kaadu, ‹Ama qanaytuy tublehiyya keenit maruuba› 'yaanam iyye.

Yasaqya 57:16

Tonnal ahak wadir keenik tu mawaay, ahaysa naqabut ken lih maraaqa. Kulli waqdi tu keenik week, sinam boolaateleeh, niya keenik rabele.

Yasaqya 27:8

Ken tinqibeeh, baaxok teyyeeqe. Ayrô-mawqak silisse caacot, baaxok, YALLAW, ken tiskiliqeh.

1 Malikwa 19:4

Eliyyas inkih tan ayro bacarih tan baaxot ankalaquk assa 'yeh, sarrak uli caxay silal lehiyyah gubal daffa 'ye. Isi niyat «Ahak rabam yoh aysuk ten» 'yaanam iyye. Too waqdi dooqa abeeh, «YALLAW, ah duudaanam hinna. Yi abbobtiy yok duma sugtek ayse waak, rooci yok eyyeq» iyye.

2 Samuwel 24:18

Too ayrot Gaad Dawud fan yemeeteeh, iyyeemih, «Ugutay Ornan le aracay daro caffak elle baxsaanahiyyal, YALLAH sadgat elle abtu wayta arac bicis» kaak iyye.

2 Samuwel 5:8

Yarusalaam magaalah adda culta lee elle bicseenim, boolok addak boohaysen gablah innah yan aracay lee adda akak darah obtahiyya bicseenih yeneeniih; too lee magaalat maroh tan gasoh guba gacca 'teh too gablah addaak edde taade qeela fanah darah oobak ten. Dawud Yarusalaam magaala yibbixe saaku iyyeemih, «Yabuusâ maray inti maleela kee iba maleela akak iyyaanahiyya yi gide yanqibe num siinit yenek, woo leek adda gacca 'xicay gexay, woo maray yi naqboytiitih yanihiyya qida» iyye. Too ayrok wadir, «Inti-maleela kee iba-maleela qari cultu madudda» 'yaanam yaabah raqte.

Makaabon 1:21

Benyam marah tu gactek, Yabuusah yooboke maray Yarusalaam addal sugehiyya woo magaala yibbixen saaku mayyaaqinnon. Tonna-leemiik Yabuusâ-mari, Benyam-mara lih too magaalal elle raaqen.

Yoosuwa 15:63

Tonna'mmay Yuudah yooboke mari Yarusalaam addal yen Yabuusa deqsita mara woo magaalah addak yayyaaqoonu maduudinnon. A saaku fanah woo mari woo magaalal ken lih dabaaqah yanin.

Ermiyaas 26:19

Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

1 Aydaad 1:14

Kalah kaadu Kanqaanak raddem, Yabuusa deqsita maraay, Amoora deqsita maraay, Girgaasa deqsita maraay,

Ermiyaas 42:10

‹Ama elle tanin rasul elle teedeenik, qarih innah sin xiseyyo ikkal, sin maggila. Caxah innah sin daabiseyyo ikkal, ahaysa buxuxuk sin masiiba. Siinil oobisem afqado yok biyakteh.