2 Samuwel 22:44 - NABUWWA KEE MALIKWA

⁴⁴ Yi maray yoo cinek yoo waddem koo, Yallaw. Mangoh tan baaxooxak amoytah yoo hayte; uxih ken abbah an. Anu ken maaxigaay, yoo yeexege mari yi xintoh gubat yan.

2 Samuwel 22:44 Referans Kwoze

Yasaqya 55:5

Wagitey! Israayil doore Dageltay kudduusuk yanihiyya migaq kee nabna kum abeemih sabbatah, koo aaxaguk suge wee marah koo fan edde yamaateeni'gidih amri ruubettooh; too mari koo fan arduk amaatele. Tamah abtu waytam, yoo YALLAY ku Dagelta kinnihiyya» iyye.

2 Samuwel 3:1

Saawuluk raaqe buxah marih kabu yan mara kee, Dawud kabu yan marih fanat yakke qeebi mango sanootah akkuk suge. Dawud caylah aysuk yeyseeh; kay naqboytit boolaatak boolatte.

2 Samuwel 19:14

Dawud-qangara Yuudâ-baaxol yan marak inkih kalbi xabbacosse. Oson too waqdi, is kee isi gubal taamita doolat mara lih, «Uduur» 'yaanamih farmo kaah ruuben.

2 Samuwel 19:9

Takkay immay tohuk lakal Israayil mari kaxxam agaaradeeh, «Maca tayse hay labhay?» tittak iyyen. «Malik Dawud naqboytiitik nee cateeh, Filistiin marak nee cateh immay, qusbih Absalaamak kudeh, baaxo cabeh suge.

Hosiqa 2:23

Inni mara le baaxol nookiseyyooh, ken gaddaliseyyo. Racmat-Wee akak axcuk suge marah racmateyyo. Yi mara hinnon akak axcuk sugen mara, inni mara abeyyo. Yi mara kinniton keenik axceyyo. Ni Dagelta kinnitoh yok axcelon» iyye.

Daaniyel 7:14

Too waqdi mango baaxoh tooboke ummatta kee mango kedoodah tan ummattaay, tonnah kaadu, mariy isi afat akak yaaba inkih, kaa akah taqbude'nnah, too sahdaytuh ceelot yan numuh, nabna kee malikanni qande tontocowweeh ten. Usuk le abbootan waara abbootanak ten. Kay dardaarinni gaba kala dardaarinna hinna.

Yasaqya 65:1

«Yoo fanah wagte waa marah inni aybulluyuh bical en. Yoo gorrise waak yen mari yoo geeh; keenih anu umbulleeh. Yi migaq ugse waa ummattak, ‹Ah yooy, ah yoo› 'yaanam exce.

Yasaqya 60:12

Takkay immay koh taamite wayta doolatwa bayele; ken baaxo abuuruh raaqele.

2 Samuwel 20:22

Sarrak magaalal yan mara fan gexxeeh, a mala keenil bahte. Too mari Sabaqak moyya irgiqqa heenih gasoh amook Yowabah qiden. Too waqdi Yowab is marah, ahaysa a magaalak nee beya 'yaanamih astah baanta heeh; too baantah anay yoobben waqdi, isinni buxa fan yuduuren. Yowab Malik-Dawuduy Yarusalaamal yanihiyya fan gexe.

2 Samuwel 5:1

Tohuk lakal inkih tan Israayil kedooda Dawudul temeeteeh, kaak iyyeenimih, «Nanu ku lafaay, ku cadoyta kinninooh;

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.