2 Samuwel 21:8 - NABUWWA KEE MALIKWA

⁸ Armooni kee Mafiboset deqsitta labhay Saawul Ayyâ-baxá Rixfa deqsitta barrat xalehiyya kee, Saawul baxáy Meerab deqsitak tenehiyyah koona baxa beyya heeh gabal keenik hee. Meerab a koona baxa akah xaltem, Bardilláy-Qadriyel deqsita numuk ten. Woo num elle yoobokem, Macoola deqsita araca.

2 Samuwel 21:8 Referans Kwoze

2 Samuwel 3:7

Saawuluk raqte gubnay migaaqah Ayyá-Rixfa deqsittahiyyak ten. Too barra Saawul caggoh gubih caggoytak ten. Ayrok teena, Isboset deqsita Saawuluk raaqe baxi Abnerik malkite. Iyyemii, «Yi abbak raqte barra akah caraamissam macaay?» kaak iyye.

1 Samuwel 18:19

Takkay immay Saawuluu, Dawuduk, Meerab rihimih koh abeyyo edde iyye waktit, kaa hinna'mmay, Mecuyaal deqsitta baaxok yemeete Qadriyel deqsita numuh tet abe.

1 Samuwel 14:49

Saawuluk lab-xaylo Yonaatan kee Iswi kee Malkisuwaq deqsitak ten. Say-xayloh migaq kaak Meerab kee Miikal deqsitak ten. Meerab Miikal naharat teneeh, Miikal karmah teetik qunxuk ten.

1 Malikwa 19:16

Nimsi-baxa-Yaahu kaadu, Israayil-malik akah yakke innah, kaa uskut. Aabil-Macoola deqsitta magaalal yan Saafat-baxa-Eliisaq kaadu, ku lakal nabi akah yakke'nnah, kaa uskut.