2 Samuwel 21:7 - NABUWWA KEE MALIKWA

⁷ Takkay immay kaa kee Yonaatan luk ten Yalla-kee-xaganih sabbatah, Yonaatanak raaqe baxay Mafiboset deqsitahiyya keenil maacannaay raaqiseh.

2 Samuwel 21:7 Referans Kwoze

2 Samuwel 4:4

Yonaatanak baxi raaqeeh, too awki namma ibak qelela luk yen. Abba kee kaxxa abba Saawul raba Yidraqel magaalak baahen saaku, barak koona karmat suge. Ibak elle biyaakitem, a xaagu toobbe waqdi, kaa abbaxuk sugte barra kaa tukkuqeh kudak sugte waqdi gabak teetik yuftuceeh, baaxol rade. Tohuk wadir namma ibak qelela luk raaqe. Migaaqah Mafiboset deqsitak yen.

1 Samuwel 23:18

Ken nammay too waqdi YALLIH migaaqal kataysis akkeloonumuh xagana tittah culen. Sarrak Yonaatan isi buxah yuduureeh, Dawud Cores rasul elle raaqe.

1 Samuwel 18:3

Yonaatan Dawudut abeh yan assakootiyyak gexxaamah, aggiriqe sinni fantaaxaw itta luk haysiten.

2 Samuwel 9:10

«Kooy ku xaylo kee koh taamita marak inkih kay baaxo abqurettoonuuh, kay daro afiiletton. Tonnal kay buxah mari maaqo geele. Mafibosetih tu gactek, usuk kulli way yi buxal adoobitele» kaak iyye. Xiba, «Meqeh yi amoytaw, atu yok intem abeyyo» iyye. Xiba lab-xaylok taban kee konooy luk yeneeh, kaah taamita marak labaatanna takkem luk yen.

1 Samuwel 20:8

Ku maganah yi taagah tamaham ugdubba haay, yoh culte Yalla-kee-xagana mamakin. Qellat yot tublek, ku abba fan yoo mabenay, isih yoo qiddisit» kaak iyye.

1 Samuwel 20:42

Yonaatan Dawuduk annah iyye, «Amaan ko'lih yanay. Yoo kee koo kee nek rade marii, nanu abne Yalla-kee-xagana bayse waa mara YALLI ken abay nee abay» iyye. Tohuk lakal Dawud gexeeh, Yonaatan magaala fanah yuduure.

1 Samuwel 20:17

Yonaatan Dawuduh isi nabsih kacanuh yassalle inna assalluk yen. Tohuk gexxaamah Dawud isil make waa'gidih, fiiruk geerah xibsiise.

2 Samuwel 19:25

Yarusalaamak yemeeteeh malik fan gexeeh kaat yongoorowe waqdi, malik kaak iyyemii, «Mafibosetow, yo'lih magexinnitok, maca geytee?» iyye.

2 Samuwel 16:4

Too waqdi malik, Xibak iyyemii, «Mafiboset luk suggu 'yem inkih kuumu» kaak iyye. Xiba too waqdi, «Anu ku naqasu kinniyok, koo ruffa haa num yoo abay» iyye.

2 Samuwel 9:7

Too waqdi Dawud kaak iyyem leh: «Yok mameysitin. Ku abba yok kaxxa kataysak sugeemih sabbatah, koo catam faxak. Ku kaxxa-abba Saawul luk suggu 'ye baaxo inkih koh gacseyyo. Atu kaadu a saakuuk xabba haanam yi buxal adoobittaama» kaak iyye.

1 Samuwel 20:12

Sarrak Yonaatan Dawuduk iyyeemih, «YALLAY Israayil doore Dagelta kinni ni sumaq yakkay. Beera hununuh ta uddur kee beeca kaadu yi abba lih yaabeyyo. Ku giddinaamak meqem koh yacsubem ublek, farmo koh ruubeyyo.

2 Samuwel 9:1

Ayrok teena Dawud iyyeemih, «Malik Saawul buxah mari, tanim maay le? Yeneenik, ken catam faxa. Woh akah axcem, Yonaatan yok kataysak yen» iyye.

1 Samuwel 24:22

Too waqdi too xagana kaah culeh. Tohuk lakal Saawul isi buxah yuduureeh; Dawud kee kay mara taaxige uqurah edde sugen arac fanah yuduuren.

2 Samuwel 9:6

Mafiboset yemeete waqdi, Dawudut abeh yan assakaxxiyyah, foocal qansah baaxo xagam fan qununna 'ye. Dawud, «Mafiboset akak 'yaanam koo?» kaak iyye. Usukuuy, «Yeey, yi amoytaw» iyye.