2 Samuwel 21:3 - NABUWWA KEE MALIKWA

³ Too waqdi Dawud Gibqon marah seeceeh keenik iyyemii, «YALLI doore marah dooqa abtaana'gidih, Saawul siinil baahe baatilik sin aymaaqem faxak, macal sin aymaaqooh?» keenik iyye.

2 Samuwel 21:3 Referans Kwoze

2 Samuwel 20:19

A magaalah mari Israayil addal amaan kee digga le mara. Ni magaala Israayil addal kaxxa tuxxiq le magaala. Hay, tonnal, nee akah bayissam faxxam macaa? YALLIH magaala bayissam akah faxxam macaa?» kaak inte.

1 Samuwel 26:19

Malikow, axcem yok oobbey. Yi amot koo haytem YALLA tekkek, kaah sadgat abnay nek oggolay. Hinna'mmay sahda koo edde asissam tekkek, too maral YALLIH abaaro obtay. Ta mari YALLI doore baaxok yoo yeyyeeqeeh marin baaxoy Yallih aftok gabak bicsen duyye uqbud yok elle iyyaanal yoo heen.

1 Samuwel 2:25

Num numul umam baahek, woo umaanek YALLI kaa catam takkeh, immay, YALLAL dambi lem baahe num YALLIH digaalak iyyi cata? Maabina, yi xayloy» keenik iyye. Takkay immay YALLI uma raba keenih faxeemih sabbatah, abba yab moggolinnon.

Yoonas 1:11

Badal sabo gacak gacteeh, too waqdi baddi mari Yoonasak, «A sabo taade'gidih, ko'lih maca abnam tayse?» iyyen.