2 Samuwel 20:9 - NABUWWA KEE MALIKWA

⁹ Yowab Qamaasa gee waqdi, afak, «Yi kataysaw, mannah tan?» kaak inxicca 'yeh, kaa fugutam cella heeh, migdi gabah deben kaak yibbixe.

2 Samuwel 20:9 Referans Kwoze

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

2 Samuwel 3:27

Abner Cebron-magaalah-culmeyna gufe waqdi, Yowab giti qaxa garayah kaa beyam cella heeh gile bagut kaak hee. Abner, duma Yowab toobokoytay Qasahel deqsita qideh sugeemih sabbatah, tonnal rabe.

2 Samuwel 15:5

Sahda kaal tamaateeh, assakaxxiyyah amo ramma kaah haanam faxan waqdi, keenik yookomeh matarra keenih iyyah aliilit ken xabba haak ken fugutak yen.

2 Samuwel 17:25

Absalaam, qaskar-abbootan Yowab aftok, Qamaasa deqsita numuh yeceeh yen. Qamaasa, Yeter deqsita numih baxak ten. Kedok, Ismaaqilto deqsita marah aabakuk yen. Kay ina Abiigal deqsitta barrak ten. Abiigal Nacas deqsita numih baxák teneeh, Yowabak ina-maqanxák ten.

2 Samuwel 18:29

Too waqdi malik, «Qunxa Absalaam nagay raaqee?» iyye. «Ku qaskarak abbah yan Yowab yoo ruube waqdi, mango waxxaqa kee deero radak yok raqte'mmay, kinnim aaxige'kal emeete» kaak iyye.

1 Malikwa 2:32

Yi abba aaxige'kal, kaak yeyse maray tu baahe weehiyya qide. Tohuh YALLI kaa digaalele. Qidem, Israayil qaskarak abbah yen Abner kee, Yuudâ-qaskarih abbah yen Qamasa deqsita numu.

Ermiyaas 41:2

Ismaaqil kee a tabna num seef sibba hayteh Gedalya qidde. Tonnal Baabelon-malik baaxoh-abba hee num qiden.

Makaabon 3:15

Takkay immay YALLAL weeqah hayya heen waqdi, YALLI ahak currih ken yayyaaqu waa num keenih hee. Tohuu, Benyaamah yooboke Gerá-Eehud deqsita guralik yen num yen. Israayil mari gabal kaak gabbara hayya heenih malik fanah kaa ruuben.