2 Samuwel 20:6 - NABUWWA KEE MALIKWA

⁶ Too waqdi Dawud Abiisayak iyyemii, «Away Absalaam nel baaheh sugeemik, Sabaq nel baahu waam lafitta. Awayiik yi qaskar gabat hayya haay lakat kaak gex. Toh abe waynek, gaso maroh edde tan magaaloolit culla 'yeh ambooqorele» iyye.

2 Samuwel 20:6 Referans Kwoze

1 Malikwa 1:33

keenik iyyemii, «Cokmi abbobti isinni lih hayya haay, yi Suleeman yi bakilit korissi haay Gicoon buyyi fan kaa beya.

2 Samuwel 21:17

Takkay immay Xaruyá-Abiisay Dawud catoh yemeeteeh, taaxige masu naba numut atka abeeh edde kaa qide. Tahak wadir Dawuduk, «Qeebih ne'lih gexe waytaamah neh xiibit» iyyeeniih kaa xibsiisen. Sarrak kaak iyyeenimih, «Kibaal elle linom, kooy; koo waynam mafanxak, gaaduh genxa waqdi buxal elle raq» kaak iyyen.

2 Samuwel 11:11

Uriyya kaal gacseemih, «Israayil kee Yuudâ mari qeebi booxal yaniih, Qahdih-Sandug kaadu wokkel ken lih yaniih, tonnah kaadu, carbi abbah yok yan Yowab kee, kay gubal tan qaskar abbobti gubbik bagul tan way, maaqo kee maqubuh buxah gexaah, inni barra lih xiinam anni'nnah abaah? Yi amoytaw, tannah taniimit ase wayu waamah ku gabal xiibita» 'yaanam iyye.

1 Aydaad 18:12

Xaruya deqsitta barrah baxay migaaqah Abiisay deqsitak yenehiyya, ‹Qasbô-Golo› deqsita aracal Edom marat qeebi abeeh, too qeebil taban kee bacra alfih num keenik sele.

1 Aydaad 11:20

Yowabak toobokoytah yen Abiisay «Yaaxigen Soddom» deqsita soddomuk abbah yen. Ayrok teena inki macaxu luk sidooca bool yakke marat qeebi abeeh too marak inkih yeyseh ken qideh.

2 Samuwel 23:18

Yowabak toobokoytah yen Abiisay «Yaaxigen-Soddom» deqsita soddomuk abbah yen. Yowab kee Abiisay-ina Xaruya deqsitta barrak ten. Ayrok teena Abiisay inki macaxu luk sidooca bool yakke marat qeebi abeeh; too marak inkih yeyseh ken qideh.

2 Samuwel 19:7

Meqehik, away ugutaay, a qaskarak aytikuma inxic. Toh abe waytek, ta'kkel beera num ko'lih raaqe wayu waamah, YALLIH migaaqal xiibita. Tahak gacta balay koo tabbixehiyya matan. Qunxaaneey takke kot tikka 'teemik inkih, tah koo lafele» kaak iyye.

2 Samuwel 18:12

Takkay immay woo num kaak iyyemii, «Lakqok alfi garsi yoh teceemih, anu malik baxa feerah xagak mananniyo. Malikii, nanu inkih elle nan ikkel, koo kee Abiisay kee Ittayak, ‹Yi taagah qunxa-Absalaamal tu mabaahina› 'yaanam siinik axcih noobbe.

2 Samuwel 18:2

Tohuk lakal sidiica gexoh ken kurra heeh, naharsi gexok qaskar abbah Yowab heeh, gersi gexok qaskar abbah kay toobokoyta Abiisay heeh, sidochaytô gexok qaskar abbah Ittay heek lakal, «Anu sin lih gexeyyo» keenik iyye.

2 Samuwel 10:14

Suuriyah mara kudah yublen waqdi, Qammon mari kaadu Abiisayak yoowweeh, magaalah adda culen. Toh yuble waqdi Yowab Qammon marih qeebik raaqeh, Yarusalaam fan yuduure.

2 Samuwel 3:39

Anu a saaku Yalli doore malik kinniyoh immay, boolaatem innik ableh an. Xaruyâ-xaylo yab yok taabbu cinteh; umam abe numul YALLI umam baahay» iyye.

2 Samuwel 3:30

Yowab kee kay toobokoyta Abiisay, Abner qiddeeh; akah kaa qideenim, Gibqon rasul yekke carbit toobokoyta keenik qideh sugeemih sabbata.

2 Samuwel 2:18

Xaruyâ-xayloh sidoocuk Yowab kee Abiisay kee Qasahel tokkel sugte. Qasahel ardah segeeri gidek teneeh,

1 Samuwel 26:6

Too waqdi Dawud Acimalek deqsita numuy Ciitâ-marah yooboke kee Abiisay deqsita numuy ina Yowab deqsita num lih luk yenehiyyak, «Sin nammayak Saawul xiinit elle yan arac yo'lih gexxu waytam iyya?» iyye. Abiisay too waqdi, «Anu gexeyyo» iyye. Abiisay Yowab toobokoytah yen. Ina keenik Dawud annak ten. Tet migaq Xaruyak ten.

Ermiyaas 8:14

Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.