2 Samuwel 2:23 - NABUWWA KEE MALIKWA

²³ Qasahel lakak kaak raaqu cineeh; too waqdi Abner gabat abbaxuk suge macaxih-dibaaro bagut kaak hee. Too macaxi darre le kabuk kaak yewqe. Qasahel baaxok bagul radeh edde rabe. Kay raysi qangalaylut elle yani'kke gufe mari tokkel elle sooleeh elle yeede.

2 Samuwel 2:23 Referans Kwoze

2 Samuwel 3:27

Abner Cebron-magaalah-culmeyna gufe waqdi, Yowab giti qaxa garayah kaa beyam cella heeh gile bagut kaak hee. Abner, duma Yowab toobokoytay Qasahel deqsita qideh sugeemih sabbatah, tonnal rabe.

2 Samuwel 4:6

Qari afal kamadi faxak yemeete mara cella heenih Isboset elle yan qarik addal raden. Qari adda culen waqdi, Isboset qarkaytok bagul xiinit keenih suge. Too waqdi gile bagut kaak heenih kaa qideenih, isinnih salakka 'yeenih gexen. Moyya kaak kalla heenih gabat luk gexen. Inkih yan bar Ordon golok adda gacca 'yeenih kuulak xiinen.

2 Samuwel 20:10

Qamaasa, Yowab guri gabat le seef yubleh masuginnaay; tohuk gexxaamah, cubbi kaak maabitinna. Yowab gabat abbaxuk suge seef bagut kaak hee. Too waqdi ulqi baaxol kaak rade. Too waqdiik rooci kaak yewqem yublek wadir, kaat qagtam mafaxinna. Tohuk lakal Yowab kee kay toobokoyta Abiisay, Sabaq elle yani ikke oysitak gexen.

2 Samuwel 5:6

Dawud naharak Yarusalaam magaalal yabbaxu waa saaku, wokkel guubuh suge Yabuusa deqsita mari woo magaala qeebil keenik raaqiselem makkalinnoonuuy; tohuk gexxaamah kaak iyyeenimih, «A magaala cultu madudda. A magaalal taniimik dibuk inti-maleela kee iba-maleela kinni way koo culi mahayta» kaak iyyen.

2 Samuwel 2:24

Yowab kee Abiisay Abner lakat gexxe. Bari yekke waqdi, Amma deqsitta qale fan yemeeten. Amma deqsitta qale, Giyac deqsita aracak xaqut raqta qaley Gibqon rasuk sinam elle dago baaxo fan beya gitih xaqul geytinta.

2 Samuwel 3:30

Yowab kee kay toobokoyta Abiisay, Abner qiddeeh; akah kaa qideenim, Gibqon rasul yekke carbit toobokoyta keenik qideh sugeemih sabbata.