2 Samuwel 2:18 - NABUWWA KEE MALIKWA

¹⁸ Xaruyâ-xayloh sidoocuk Yowab kee Abiisay kee Qasahel tokkel sugte. Qasahel ardah segeeri gidek teneeh,

2 Samuwel 2:18 Referans Kwoze

1 Aydaad 12:8

Dawud bacarih tan baaxok amô-reebu le aracay uqurah meqehiyyal yen saaku, Gaad kedoh tooboke qaskaray qeebil kulsa lehiyya Dawud abe qeebit kaa'lih sugte. Too qaskar gob kee macaxut aban qeebil fula luk yeneeniih, lubak innah inti-qasin agiirak yeneeniih, sissikaaneh qaleelah amol qarkuumud innah gexak yenen.

Cabakkuk 3:19

YALLAY Mulki lek qande gee; iba yok cayla bahsiise. Yi-iba maqarah sara abe. Qale awqeeh, qalek oobaamah, iba maqar yok bahsisse. [Aham, Yallih Qibaadah-Qarih addal saare aba marak abbah yen numuh yuktuben saare. A saare aban waqdi *kirar gurral yan caxxal digirak aba.]

Qaamus 2:14

Kaxxa arda le mari kinni-way mayasilliman. Celeemah yan mari qande weelon. Qeebil agiirah yan mari rooci edde haa ikke mageya.

1 Aydaad 11:26

Tohuk kalah ten labhay qaskariinol timixxigehiyya ten. Yowab toobokoytah yen Qasahel kee Beetlacam magaalal yooboke Doodóh-Elcanan kee Carod magaalal yooboke Sammot kee Felon magaalal yooboke Celex kee Takooqa deqsitta magaalal yooboke Qikkés-Qiira kee Qanatot magaalal yooboke Abiqeder kee Cuusâ magaalal yooboke Sibkay kee Acowi-magaalal yooboke Qilay kee Netoofâ magaalal yooboke Mahray kee tonnah kaadu Netoofâ magaalal yooboke Baqná-Celed kee

2 Samuwel 1:23

«Nanu Saawul kee baxi tiyat yabba innek, addunyal anuk maqaane luk sugeenih; addunyal anuk sahda ken kicinuk ten. Rabal kaadu titta lih waklisak raben. Sissikaaneh tikoh inna luk sugeeniih; maqarah kaadu lubak inna luk yenen.

1 Samuwel 26:6

Too waqdi Dawud Acimalek deqsita numuy Ciitâ-marah yooboke kee Abiisay deqsita numuy ina Yowab deqsita num lih luk yenehiyyak, «Sin nammayak Saawul xiinit elle yan arac yo'lih gexxu waytam iyya?» iyye. Abiisay too waqdi, «Anu gexeyyo» iyye. Abiisay Yowab toobokoytah yen. Ina keenik Dawud annak ten. Tet migaq Xaruyak ten.

2 Samuwel 2:19

Abner yaybeebexe'gidih lakat kaak arduk gexe.

2 Samuwel 22:34

Mandafoofola anu. Qarkumuddoh innal qaleeli amol an way, yoo dacrissam Yalla.

2 Samuwel 23:24

Yaaxigen Soddomuk Banaaya deqsita numuk kalih, adoytiitih migaq ah kaana. Yowab toobokoyta Qasahel kee, Doodó-Elcananay Beetlacamal yooboke kee,

1 Malikwa 2:5

«Tohuk kalah koh warsam liyo» kaak iyye. «Toh macaay intek, duma Yowab yol baahem taaxigeh. Israayil qaskarih abbobtik namma num qidem kassa koo. Nér-Abner kee Yetér-Qamasa qiddem kaa. Qeebi addat ken maqidinnaay, baaxo wagarih tan saaku, loowitiik ken qidem atu isih kassittah. Tu baahe wee mara annaak qide. Usuk abe umaane kay fillal raqtaah akah biyaakitam kaal tan» iyye.

2 Samuwel 14:1

Yowab, Malik Dawud Absalaam waytik gexxaamah kaxxa maxhax yibbixem yuble waqdi,

1 Aydaad 12:9

Too qaskarih migooqa ah teeti: Keenik abbah yen Qader deqsita num kee kaak gubal yen Qobadyaay; ken lakal Aliyab yeneeh, kay lakal Mismanna yeneeh, kay lakal Ermiyaas yeneeh, kay lakal Qattay yeneeh, kay lakal Alyel yeneeh, kay lakal kaadu Yocanan yeneeh, kay lakal Eldabad yeneeh, kay lakal kaadu Ermiyaas yeneeh, kay lakal Makbannay deqsita num yen. Sittat taban kee inki num akkuk yenen.

1 Aydaad 27:7

Fereyhaytoh alsat Qasahel abbah dooren. Qasahel, Yowab toobokoytak ten. Kay lakal kay baxay migaaqah Dabadya deqsitahiyya usuk abbah akak suge marak abba yekke.