2 Samuwel 19:8 - NABUWWA KEE MALIKWA

⁸ Toh kaak iyye waqdi, Malik Dawud ugutta 'yeh magaalah afa fan gexeh tokkel daffee. «Malik magaalah afal daffeyak yen» 'yaanam yoobben waqdi, kay qaskar kaal temeeteeh, maraasiyot kaa hayte. Oson tohut yanin waqdi, Israayil mari yakkeemik mariiy isi buxah keenik kudeh yen.

2 Samuwel 19:8 Referans Kwoze

2 Samuwel 18:24

Dawud, magaala akak culan afa kee, magaalak akak yawqen afak fanal yan aracal, daffeynat suge. Dacayrih yan numuy magaalak gasoh culmeynah amol yewqeh sugehiyya wonna wagga hee waqdi, dibuk yarde numuy kaa fanah yamaatehiyya yuble.

2 Samuwel 18:4

«Hay, siinit aysinnaanim abeyyo» keenik iyye. Tohuk lakal kay mari alfi-alfi kee bool-boolul buttâ-buttal gacca 'yeenih fooren waqdi, woo magaalah gasok afat tattabak teenaak sollu 'yeh,

2 Malikwa 14:12

Amaxyâ-qaskar qeebil gacteeh, qaskar takkeemik kudak isinni buxaaxih fan gacen.

1 Malikwa 22:36

Ayro cultam faxxa waqdi, Israayil qaskarih abbobti amri tecee. Iyyeenimihii, «Kulli num isi baaxo kee isi magaala siinik yaduuray» 'yaanam iyyen.

2 Samuwel 19:3

Qeebil boolatte qaskaray qaybi yibbixeh innah, magaala culen waqdi, tibbat culen.

2 Samuwel 18:17

Sarrak Absalaam raysa beeniih, garboh addal tan kaxxa boodot qiden. Tohuk lakal woo boodo xeetik kibeenih, waydal gurral bicsen. Toh tekke waqdi Israayil mari yakkeemik mariiy isi buxa fanah kude.

2 Samuwel 15:2

Saaku-saaku dibroh ugutta 'yah, magaalak akak yawqen giti afal soolak suggu 'yah, wokke malikil cokmi goranah amaatinnaan marah seecak yen. «Mankek temeeteenih? Maa kedoh toobokeenih?» keenik axcuk yen. Woo mari akak yemeete'kke kaah warsa waqdi, «Tableeni labhay! Yab siinih iyyah yani'mmay, malik isi aftok hee maray yab siinih gitat abu waahiyya mayan» keenik axcuk yen.

1 Samuwel 4:10

Sarrak qeebi rade waqdi, Filistiin mari Israayil marat kaxxa qeebi abeeh; Israayil mari isinni buxa fan yoowwen. Too saaku Israayil marak mangom tembexe. Israayilik soddom alfih qaskariiti rabe.

2 Malikwa 8:21

Tonna-leemik Yacooram faras-gaariiray qeebi abtahiyya haysitta heeh Xaqir fan gexe. Tokkel Edom mari, maro keenit heen. Bari yekke waqdi Yahooram kee kay qaskarih abbobtiy faras-gaariirat qeebi abtahiyya keenik yewqeenih yisillimeenih; kay qaskar fixixxeh isi buxaaxi fan kudde.