2 Samuwel 19:41 - NABUWWA KEE MALIKWA

⁴¹ Sarrak Israayil-mari yakkeenimiik kaal yemeeteenih kaak iyyeenimih, «Malikow, Yuudah ummattay nek toobokoh tanihiyya koo kee ku buxah mara kee ku mara akah nek beyaanam macaay? Ordon weeqaytuk koo baahaanamih cakki, dibuk isinnih loonum akah ceelaanam macaay?» iyyen.

2 Samuwel 19:41 Referans Kwoze

Makaabon 12:1

Efrayim mari qeebih bical gace. Ordon weeqaytuk tabba 'yeenih Xafon deqsitta magaala fan yemeeten. Tokkel Yeftacak iyyeenimih, «Qammon marat qeebi abta'gidih gexxe waqdi, qeebih ne'lih gexa 'yaanam nek axce'kal, nee cabba hayteh akah gexxem macaay? Addat akak tan qari amok kol cararise wayya haynek, abletto» kaak iyyen.

Makaabon 8:1

Tohuk lakal Efrayim mari Gidqoonuk iyyeemih, «Atu Miidiyan mara lih qeebi abta'gidih gexxe way, neh macah seece wayte? Annah tanim nel akah bahtem macaay?» axcuk kaxxam kaa yessecekken.

2 Samuwel 19:3

Qeebil boolatte qaskaray qaybi yibbixeh innah, magaala culen waqdi, tibbat culen.

2 Samuwel 19:11

Israayil mari sittak iyyeemih xaagi Malik Dawud gufe. Too waqdi Saaduk kee Abiyataar deqsitta seeka farmoh ruubeeh, keenik iyyemii, «Yuudah abbobtik intaanamah, ‹Isin kullim gaba kaltek sarra yoo cata mara macah tekken?

2 Samuwel 19:12

Ramadah yok taniinih, yi cadoyta kinniton way, yoo gacsaanamih tiyal kulli marak ellecabot macah gactan?› keenik inxica» iyye.