2 Samuwel 18:9 - NABUWWA KEE MALIKWA

⁹ Absalaam garciik Dawud marat matre waqdi, bakil amot sugeeh; woo bakil arduk kaxxa caxah guba kaa culusse. Too waqdi amo kaak woo caxak fallakka le aracat culte. Amot akak suge bakil isih kaak gexxeeh; usuk woo caxah fallakkat edde wanxexxeelak raaqe.

2 Samuwel 18:9 Referans Kwoze

2 Samuwel 14:26

Amô-xagorti kaak kaxxam manguk yeneeh, sanatal inki adda tet argaquk yen. Xagorti kaak kaxxam yanbeh yaxxeere waqdi, qilsah namma kiilok fula akkuk yen. Woh elle timixxigem, woo dabaanal malik buxal qilsi duyye elle keexak sugen miizaanak ten.

Ermiyaas 48:44

A balak kudam faxa num yenek, boodot radele. Boodok waalih gacam faxa num yenek, kaadu ofloh addat radele. Tah dumaak ken elle digaala'gidih eyyeeqe gitaay; ta digaalak way macattiiman. Tahat yabtam yoo YALLA» iyye.

2 Samuwel 18:14

Yowab too waqdi iyyemii, «Anu ku yaabat wakti akah ruubam mayyu» inxicca 'yeh, sidiica macaxu luk foore. Too waqdi Absalaamay rooci edde yaniy caxat wanxexxeelih yanit, itta katassa heeh, woo sidiica macaxu afqadot kaak hee.

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

2 Samuwel 13:29

Absalaam taamat yen mari, usuk keenik elle inxicci iyye'nnal, Amnon qideenih. Too waqdi raqte toobokok kulli numuuy isi bakilit koreh kude.

2 Samuwel 18:8

Woo qeebi barri baaxol inkih yekke. Too saaku garboh addat rabe mari, seefit rabe marak manguk yen.

2 Samuwel 18:10

Dawud marih num kaa yubleeh, too waqdi gexxa 'yeh, Yowabak, «Absalaam kaxxa caxat wanxexxeelah uble» iyye.