2 Samuwel 18:23 - NABUWWA KEE MALIKWA

²³ Acimqax iyyemii, «Faxem edde takkeemih, xaagu warsa'gidih gexam faxa» kaak iyye. Yowab, «Woysa gex hay» kaak iyye. Too waqdi arduk Ordon-golok adda gacca 'yeh Kuusuh yooboke numuk yookomeh Dawudul yemeete.

2 Samuwel 18:23 Referans Kwoze

2 Samuwel 18:21

Tohuk lakal Yowab Kuusuh yooboke numuk iyyemii, «Gexay malikih isi intih tublem waris» kaak iyye. Too waqdi woo num kay massakaxxah qununna yeeh, sarrak kaa akah ruuben farmo warsa'gidih arduk gexe.

2 Samuwel 18:22

Acimqax qagisak Yowabak iyyemii, «Faxem edde takkeemih a xaagu anu beyam taysek, beyay yoo inxic» iyye. Yowab kaak iyyemii, «Yi baxaw, atu a xaagu beytam akah faxxam macaay, galtoh edde geytu waytam mantuk» kaak iyye.

2 Samuwel 18:24

Dawud, magaala akak culan afa kee, magaalak akak yawqen afak fanal yan aracal, daffeynat suge. Dacayrih yan numuy magaalak gasoh culmeynah amol yewqeh sugehiyya wonna wagga hee waqdi, dibuk yarde numuy kaa fanah yamaatehiyya yuble.